Intentada a notificación deste acordo, segundo o disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e ao non ser posible a súa práctica por ser devolta polo servizo de Correos, por medio desta cédula e segundo o disposto no número 5 do referido artigo e o establecido no artigo 61 do mesmo texto legal, notifícaselle á empresa interesada o contido da resolución que figura como anexo, para que poida ter coñecemento desta.

Así mesmo, fáiselle saber o dereito que a asiste para que poida realizar as alegacións e presentar a documentación que considere oportuna, no prazo de quince días hábiles, que comezará a contar a partir do día seguinte ao desta publicación.

Á vista das alegacións e da documentación presentada, ou transcorrido o prazo concedido para o efecto, ditarase a resolución que corresponda respecto ao reintegro da subvención concedida.

Lémbraselle o dereito a consultar o expediente, depositado nas dependencias desta xefatura territorial, sita na avenida da Habana, 79, 7º andar, en Ourense, e a obter, se é o caso, copia do acordo, segundo o previsto na letra a) do artigo 35 da Lei 30/1992, do 26 de novembro.

Ourense, 27 de xaneiro de 2015

José Selas Souto
Xefe territorial de Ourense

ANEXO

Expediente: TR348A 2010/199-3.

Nome: Servicios Inmediatos y Especiales de Transporte, S.L., anteriormente denominada Petroxinzo, S.L.

NIF/CIF: B32375529.

Último enderezo coñecido: rúa Remedios, nº 1, baixo, 32600 Verín, Ourense.

Feito imputado: non manter no seu cadro de persoal fixo as persoas traballadoras subvencionadas ao abeiro deste programa durante un período mínimo de 3 anos.

Precepto infrinxido: base sétima, anexo A, da Orde do 4 de maio de 2010.

Contido da resolución: inicio do procedemento de reintegro da axuda.