Con data do 9 de xaneiro de 2015, o xefe territorial da Consellería de Economía e Industria resolveu iniciar o expediente sancionador PO-1/2015, incoado contra María Fernanda Grande Santos, titular do establecemento Alimentación Fernanda.

Intentada a notificación do acordo de iniciación do expediente sancionador, de conformidade co disposto no artigo 59.1 da Lei 30/1992, do 26 de novembro, de réxime xurídico das administracións públicas e do procedemento administrativo común, e non sendo posible a súa práctica, por medio desta cédula, e segundo o disposto no artigo 59.5 da referida lei, notifícaselle á interesada o contido do devandito acordo, que figura como anexo, para que poida ter coñecemento dela.

Advírteselle á interesada que, en cumprimento do artigo 16.1 do Real decreto 1398/1993, do 4 de agosto, concédeselle un prazo de 15 días para achegar o instrutor do procedemento cantas alegacións, documentos ou informacións considere convenientes e, se é o caso, propoñer as probas que considere oportunas, concretando os medios dos que pretenda valerse.

Vigo, 30 de xaneiro de 2015

Ignacio Rial Santomé
Xefe territorial de Vigo

ANEXO

Expediente: PO-01/2015.

Interesada: Mª Fernanda Grande Santos (DNI: 76990438P).

Enderezo: Lorenzo de Carrera, 2, Baiona.

Feitos imputados: unha infracción grave, en materia de comercio.

Preceptos infrinxidos: Lei 13/2006, do 27 de decembro, de horarios comerciais de Galicia (artigo 13.d), e Decreto da Alcaldía de Baiona do 12.8.2008 (Boletín Oficial da provincia nº 164, do 26 de agosto).

Instrutor do expediente: Belarmino García Martínez.