Con motivo da ausencia do presidente da Xunta de Galicia, por mor dunha viaxe aos Estados Unidos Mexicanos, á República do Perú e á República de Colombia, é necesario prover a súa substitución durante o tempo de duración desta.

Polo tanto, en uso das atribucións que me confire o artigo 26.7 da Lei 1/1983, do 22 de febreiro, reguladora da Xunta e da súa Presidencia, e conforme o establecido no Decreto 230/2012, do 2 de decembro,

DISPOÑO:

Artigo único

Durante a ausencia do presidente da Xunta de Galicia, con motivo da súa viaxe aos Estados Unidos Mexicanos, á República do Perú e á República de Colombia, encárgaselle o despacho de asuntos da Presidencia, desde o día 13 de febreiro ata o seu regreso, ao vicepresidente e conselleiro de Presidencia, Administracións Públicas e Xustiza.

Santiago de Compostela, doce de febreiro de dous mil quince

Alberto Núñez Feijóo
Presidente