Para xeral coñecemento, de conformidade co disposto nos artigos 72 e 104 e seguintes da Lei 29/1998, do 13 de xullo, reguladora da xurisdición contencioso-administrativa, faise público que a Sección Segunda da Sala do Contencioso-Administrativo do Tribunal Superior de Xustiza de Galicia, do 17 de xullo de 2014, pronunciou a Sentenza 654/2014, ditada no procedemento ordinario nº 4508/2013, interposto por Telefónica Móviles España, S.A., sentenza que na súa parte dispositiva literalmente di:

«Estimamos en parte o recurso contencioso-administrativo interposto por Telefónica Móviles España, S.A. contra a Orde do 7.12.2012, da Consellería de Medio Ambiente, Territorio e Infraestruturas, sobre aprobación definitiva do Plan xeral de ordenación municipal do Concello de Verín, do que anulamos, por seren contrarias a dereito, as seguintes cuestións: do punto 4.11.7, a exixencia de presentación dun seguro de responsabilidade civil e os dous parágrafos inmediatos seguintes; e do artigo 43 do anexo normativo, o seu
punto 3.c). No demais desestimamos o recurso. Non se fai imposición de custas».

A citada sentenza foi declarada firme.

Santiago de Compostela, 26 de xaneiro de 2015

María Encarnación Rivas Díaz
Secretaria xeral de Ordenación do Territorio e Urbanismo