Para xeral coñecemento, de conformidade co disposto nos artigos 72 e 104 e seguintes da Lei 29/1998, do 13 de xullo, reguladora da xurisdición contencioso-administrativa, faise público que a sección segunda da Sala do Contencioso-Administrativo do Tribunal Superior de Xustiza de Galicia, con data do 17 de xullo de 2014, pronunciou a sentenza número 668/2014, ditada no procedemento ordinario 4474/2011, interposto por Matilde Felisa Caamaño Barreiro, sentenza que na súa parte dispositiva literalmente di:
«Estimamos parcialmente o recurso contencioso-administrativo interposto pola procuradora Beatriz Dorrego Alonso, en nome e representación de Matilde Felisa Caamaño Barreiro, en relación coa Orde do 13 de xullo de 2011, da Consellería de Medio Ambiente, Territorio e Infraestruturas, de aprobación definitiva parcial condicionada do PXOM do Concello de Moaña; e declaramos que a ordenación da UA-6 contida no plan non é conforme a dereito, anulámola; sen imposición das custas».
A citada sentenza foi declarada firme.
Santiago de Compostela, 26 de xaneiro de 2015
María Encarnación Rivas Díaz
Secretaria xeral de Ordenación do Territorio e Urbanismo