No Xulgado do Contencioso-Administrativo número 3 da Coruña tramítase o recurso 402/2014 (procedemento abreviado), interposto por José Antonio Cotelo Lema contra a desestimación do recurso de reposición formulado fronte á Resolución do 9 de xullo de 2014, da Dirección Xeral de Recursos Humanos, pola que se publican a relación definitiva de admitidos/as e excluídos/as e os resultados provisionais de baremación no proceso de inscrición de aspirantes para a formalización de nomeamentos estatutarios temporais no ámbito do Servizo Galego de Saúde e entidades adscritas á Consellería de Sanidade (DOG núm. 134, do 16 de xullo), categoría de técnico/a especialista de sistemas e tecnoloxías da información.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte no citado xulgado no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 15 de xaneiro de 2015

P.S. (Artigos 18.3 do Decreto 43/2013 e 9.d) da Orde do 5.7.2012)
María Jesús Rúa Moure
Subdirectora xeral de Selección e Políticas de Persoal