O artigo 11 da Lei 4/2006, do 30 de xuño, de transparencia e de boas prácticas na Administración pública galega (DOG núm. 136, do 14 de xuño), impón a cada consellería ou entidade da Xunta de Galicia a obriga de publicar, no Diario Oficial de Galicia, unha relación dos convenios de colaboración subscritos no cuadrimestre anterior.
En consecuencia, e para cumprir esa obriga, por medio desta resolución dáselle publicidade á relación dos convenios subscritos pola Fundación Pública Escola Galega de Administración Sanitaria nos meses de setembro, outubro, novembro e decembro do ano 2014, que se incorpora como anexo a esta resolución.
Santiago de Compostela, 16 de xaneiro de 2015
Pablo Galego Feal
Director da Escola Galega de Administración Sanitaria
Anexo
Convenio |
Importe económico |
Data da sinatura |
Segunda addenda ao Convenio de colaboración entre a Consellería de Sanidade, o Servizo Galego de Saúde e a Fundación Pública Escola Galega de Administración Sanitaria, para o ano 2014 (asinado o 7 de xaneiro de 2014). |
54.043,00 € |
18.11.2014 |
Segunda addenda ao Convenio de colaboración empresarial entre a Fundación Pública Escola Galega de Administración Sanitaria e Almirall, S.A. para o desenvolvemento do proxecto de innovación formativa: Xestión do coñecemento Servizo Galego de Saúde-Fegas (asinado o 28 de xullo de 2011). |
55.000,00 € |
19.11.2014 |
Convenio de colaboración empresarial entre a Fundación Pública Escola Galega de Administración Sanitaria e Sanifi-Aventis, S.A. para a organización de actividades formativas no ámbito da Escola Galega de Saúde para Cidadáns. |
1.506,00 € |
30.7.2014 |
Convenio de colaboración empresarial entre a Fundación Pública Escola Galega de Administración Sanitaria e Fundación AstraZeneca para a organización de actividades formativas no ámbito da Escola Galega de Saúde para Cidadáns. |
5.905,00 € |
30.7.2014 |