O artigo 11 da Lei 4/2006, do 30 de xuño, de transparencia e de boas prácticas na Administración pública galega (DOG nº 136, do 14 de xullo) impón a cada consellería da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a esa obriga,
DISPOÑO:
Darlle publicidade á relación dos convenios subscritos pola Consellería de Economía e Industria nos meses de setembro, outubro, novembro e decembro do ano 2014, que se incorpora como anexo a esta resolución.
Santiago de Compostela, 20 de xaneiro de 2015
Borja Verea Fraiz
Secretario xeral técnico da Consellería de Economía e Industria
ANEXO
Convenios de colaboración subscritos pola Consellería de Economía e Industria nos meses de setembro, outubro, novembro e decembro do ano 2014
Convenio |
Data de sinatura |
Importe |
Convenio de colaboración entre a Consellería de Economía e Industria da Xunta de Galicia e as cámaras oficiais de Comercio, Industria, Servizos e Navegación de Galicia para a prestación de diversos servizos de apoio ás pemes comerciais galegas. |
29.9.2014 |
600.000,00 € |
Convenio de colaboración entre a Consellería de Economía e Industria e a Cruz Vermella Española en Galicia para establecer medidas preventivas e de apoio ás persoas que se atopen en situación de pobreza enerxética en Galicia. |
19.9.2014 |
Sen achega económica |
Convenio de colaboración entre a Consellería de Economía e Industria da Xunta de Galicia e a Asociación Galega de Feiras-Agafe |
6.11.2014 |
79.963,00 € |
Addenda ao Convenio de colaboración entre a Consellería de Economía e Industria da Xunta de Galicia e Alcoa Inespal, S.A. para melloras ambientais e de eficiencia enerxética, cofinanciadas polo Fondo Europeo de Desenvolvemento Rexional, no marco do programa operativo Feder Galicia 2007-2013. |
12.11.2014 |
Sen achega económica |
Convenio de colaboración entre a Consellería de Economía e Industria e a Universidade da Coruña para a investigación e realización de probas de control de calidade dos hidrocarburos en Galicia. |
23.12.2014 |
307.900,00 € |
Convenio de colaboración entre o Ministerio de Fomento, a Consellería de Economía e Industria da Xunta de Galicia e o Concello de Cambados (Pontevedra) para a realización e financiamento das obras de remodelación da praza de abastos e lonxa vella. |
30.12.2014 |
3.600.000,00 € |