Aprobado inicialmente por Resolución da Alcaldía do 26 de decembro de 2014 a modificación do estudo de detalle de ordenación das parcelas 19A’’, 19C’ e 23C’ do polígono industrial de Rábade, proxecto redactado polo arquitecto José Antonio Mouriz Silva.
Sométese en cumprimento do artigo 86.2 da Lei 9/2002, a información pública polo prazo vinte días soltos, contado a partir da inserción deste anuncio no Diario Oficial de Galicia e nun dos xornais de maior difusión da provincia, durante o dito prazo poderán os interesados examinar o expediente na Secretaría do Concello, en horas de oficina, das 9.00 ás 14.00 horas, e formular as alegacións ou suxestións que consideren pertinentes.
Rábade, 26 de decembro de 2014
Francisco Xosé Fernández Montes
Alcalde