En cumprimento da Resolución da tenente de alcalde delegada de Contratación, do 8 de xaneiro de 2015, de aprobación de novo prego de prescricións técnicas regulador da contratación, mediante procedemento aberto con diversos criterios de valoración, do servizo de desenvolvemento e xestión dos distintos campamentos municipais dirixidos a menores durante o ano 2015, por lotes, rectifícase o anuncio publicado nese Diario Oficial de Galicia do 13 de novembro de 2014, páxina 47350, exclusivamente no sentido de iniciar un novo prazo de presentación de ofertas.

Segundo o artigo 75 do Real decreto 1098/2001, do 12 de outubro, polo que se aproba o Reglamento xeral da Lei de contratos, o prazo de presentación de ofertas será de quince (15) días contados a partir do seguinte ao da publicación deste anuncio no Diario Oficial de Galicia.

A Coruña, 8 de xaneiro de 2015

Rosa Mª Gallego Neira
Tenente de alcalde responsable de Facenda e Administración Pública