De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, publícase o emprazamento para trámite de audiencia ditado no expediente de reposición da legalidade urbanística PON/68/2013-RP1 a David Estévez García, José Luis Fariña Conde e herdeiros de Cristina Sofía Mosquera López, en relación coas obras consistentes na construción de muro de contención e alteración de rasante, que se levan a cabo no camiño de Altamira, Os Cotros, San Pedro da Ramallosa, no termo municipal de Nigrán, provincia de Pontevedra.
O expediente relacionado atópase á disposición dos interesados na Axencia de Protección da Legalidade Urbanística, sita no Edificio Witland-Salgueiriños, en Santiago de Compostela, para a súa consulta no prazo de dez (10) días hábiles, que se contarán desde o día seguinte ao da publicación desta cédula. Transcorrido o devandito prazo, a notificación entenderase producida.
Os interesados disporán dun prazo de dez (10) días hábiles, contado a partir do día seguinte a aquel en que se teña producido a notificación para presentaren alegacións e os documentos e xustificacións que consideren pertinentes.
Para que conste e lles sirva de notificación aos citados interesados, en cumprimento do disposto no artigo 59.5 da devandita Lei 30/1992, do 26 de novembro, expido e asino esta cédula.
Santiago de Compostela, 14 de xaneiro de 2015
María Martínez Allegue
Directora da Axencia de Protección da Legalidade Urbanística