Con data do 26 de setembro de 2014, a instrutora da Consellería de Sanidade en Ourense formulou a proposta de resolución do expediente sancionador 2014086AL-OU a Matadero de Jarrio, S.L., CIF B27417468, ou, por cambio de denominación, a Industrias Cárnicas de Viveiro, S.L., CIF B27340645, con enderezo en San Martiño, s/n (Galdo)-Viveiro (Lugo).
Intentada a notificación desta proposta segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio desta cédula, e segundo o disposto no número 5 do referido artigo, notifícase a Matadero de Jarrio, S.L., CIF B27417468, ou, por cambio de denominación, a Industrias Cárnicas de Viveiro, S.L., CIF B27340645, o contido da referida proposta de resolución que figura como anexo para que poida ter coñecemento del.
Así mesmo, fáiselle saber o dereito que a asiste, ao abeiro do disposto no número 1 do artigo 19 do Real decreto 1398/1993, do 4 de agosto, polo que se aproba o Regulamento para o exercicio da potestade sancionadora, para presentar alegacións, ante esta xefatura territorial, no prazo de quince días hábiles contados desde o seguinte ao da publicación desta cédula, lembrándolle o seu dereito a consultar o expediente, depositado nas dependencias desta xefatura territorial, sita na avenida de Zamora, nº 13, de Ourense, e a obter, de ser o caso, copia del, segundo o previsto na letra a) do artigo 35 da citada Lei 30/1992, do 26 de novembro.
Esta cédula expídese para que conste e lle sirva de notificación á interesada, en cumprimento do disposto no artigo 59.5 da Lei 30/1992, do 26 de novembro.
Ourense, 10 de decembro de 2014
María Villar Suárez
Xefa territorial de Ourense
ANEXO
Expediente sancionador: 2014086AL-OU.
Interesada: Matadero de Jarrio, S.L. ou Industrias Cárnicas de Viveiro, S.L.
DNI/NIF/CIF: B27417468 ou B27340645.
Último enderezo coñecido: San Martiño, s/n (Galdo) Viveiro (Lugo).
Feito imputado: infracción da lexislación aplicable en materia sanitaria.
Precepto infrinxido: Regulamento (CE) nº 852/2004, do 29 de abril.
Tipificación: leve.
Sanción proposta: catrocentos euros (400,00 €).