De conformidade co disposto nos artigos 59.5 e 61 da Lei 30/1992, de réxime xurídico das administracións públicas e do procedemento administrativo común, despois de seren intentadas sen éxito as notificacións persoais a través do servizo de Correos, notifícase o acordo de descualificar a sociedade Appyma Carliz, S.L.L. como sociedade laboral e proceder a dar de baixa e cancelar os seus asentos no rexistro administrativo dependente desta dirección xeral, declarando anulada a súa cualificación e inscrición como sociedade laboral, acordado pola Dirección Xeral de Traballo e Economía Social, o 16 de outubro de 2014.
A representación legal da entidade poderá comparecer, no prazo de dez (10) días hábiles contados desde o seguinte ao da publicación deste anuncio no Diario Oficial de Galicia, nas dependencias da Dirección Xeral de Traballo e Economía Social, situadas no Edificio Administrativo San Lázaro, s/n, andar 0, 15781 Santiago de Compostela, das 9.00 ás 14.00 horas, de luns a venres, para o coñecemento do contido íntegro do acordo.
Transcorrido o prazo sen efectuarse a comparecencia a notificación entenderase producida desde o día seguinte á data de finalización deste.
Este anuncio remitirase, así mesmo, aos concellos correspondentes ao último domicilio coñecido da entidade, en aplicación do artigo 59.5 da Lei 30/1992, co obxecto de que se proceda á súa publicación por medio dun anuncio no seu taboleiro de edictos.
Santiago de Compostela, 15 de decembro de 2014
Carmen Bouso Montero
Directora xeral de Traballo e Economía Social