A Dirección de Augas de Galicia, ao abeiro da Resolución do 30 de xaneiro de 2012 de delegación de competencias ditada pola presidencia do organismo e de acordo co establecido no Decreto 32/2012, do 12 de xaneiro, polo que se aproba o estatuto da entidade pública, procede a dar publicidade á actuación encomendada que a continuación se relaciona:

1. Entidade encomendante.

Organismo: Augas de Galicia.

Actuación: servizo.

Tipo de tramitación: encomenda de xestión á Empresa de Transformación Agraria, S.A. como medio propio instrumental e servizo técnico do poder adxudicador.

2. Obxecto da encomenda de xestión.

Título: servizo de vixilancia, mantemento e posta en marcha da estación depuradora de augas residuais de Ribadumia.

Clave do expediente: OH.336.1102.

Descrición: coa realización desta encomenda de xestión satisfaise a necesidade de xestionar os sistemas de depuración de augas residuais de Ribadumia para o seu funcionamento correcto e continuo.

Orzamento: importe neto: 133.835,12 euros. Importe total: 147.218,63 euros.

Data da formalización da encomenda de xestión: 29 de decembro de 2014.

Prazo de vixencia: catro meses, desde o 1 de xaneiro ata o 30 de abril de 2015, prevéndose a posibilidade de prórrogas.

Santiago de Compostela, 2 de xaneiro de 2015

Gonzalo Mosqueira Martínez
Director de Augas de Galicia