O Consello da Xunta de Galicia, na súa reunión do día dezaoito de setembro de dous mil catorce, adoptou o Acordo polo que se aproba o Catálogo de medios e prestacións susceptibles de autoprovisión e se toma razón das subministracións, obras, servizos e calquera outra prestación susceptible de contratación centralizada.
Para xeral coñecemento, procédese á publicación do referido acordo que figura como anexo a esa resolución.
Santiago de Compostela, 17 de novembro de 2014
Beatriz Cuiña Barja
Secretaria xeral técnica da Consellería de Presidencia,
Administracións Públicas e Xustiza
ANEXO
Acordo do Consello da Xunta polo que se aproba o Catálogo de medios
e prestacións susceptibles de autoprovisión e se toma razón
das subministracións, obras, servizos e calquera outra prestación
susceptible de contratación centralizada
Para os efectos de facer efectivos os principios de colaboración e cooperación recollidos no artigo 7 da Lei 14/2013, do 26 de decembro, de racionalización do sector público autonómico, esta lei consagra nos seus artigos 8 e 9 a figura dos catálogos de medios e prestacións susceptibles de ser obxecto de cooperación, colaboración e asistencia no ámbito interno do sector público autonómico.
Os catálogos de medios e prestacións serán aprobados polo Consello da Xunta mediante acordo, logo do informe da consellería competente en materia de avaliación e reforma administrativa, e publicaranse no Diario Oficial de Galicia.
Establécese, polo tanto, que para os medios e prestacións incluídos neses catálogos só se poderá acudir á contratación externa cando a autoprovisión non resulte viable, por non poderen ser cumpridamente satisfeitas por outros órganos ou entidades instrumentais do sector público as necesidades que se pretenden cubrir, mediante algún dos procedementos de colaboración indicados na Lei 14/2013, do 26 de decembro, pola insuficiencia, carencia ou inadecuación dos medios de que dispoñan.
No resto dos casos habilítanse os mecanismos oportunos para facer efectiva a cooperación interdepartamental que permita prescindir da contratación externa.
A referida lei sinala que no catálogo deben incluírse os medios e prestacións susceptibles de ser prestados internamente pola vía da cooperación, colaboración e asistencia recíproca entre órganos da Administración xeral da Comunidade Autónoma e as entidades do sector público autonómico, de maneira que se garanta un uso racional, eficiente e eficaz dos recursos públicos e a actuación coordinada do sector público autonómico.
En particular, tal e como exixe o artigo 9.2. da Lei 14/2013, do 26 de decembro, no catálogo debe incluírse a prestación de asistencia xurídica, control económico-financeiro, auditoría de contas ou de funcionamento, auditoría enerxética, avaliación de resultados, estatística, hixiene e saúde laboral, formación de persoal empregado público, Administración electrónica, innovación e desenvolvemento tecnolóxico.
Pola súa banda, en relación co principio de racionalización e eficiencia do gasto público recollido no artigo 19 da Lei 14/2013, do 26 de decembro, o artigo 20.2 sinala que o Consello da Xunta creará unha comisión interdepartamental que determinará, no ámbito da Administración xeral da Comunidade Autónoma e do seu sector público, as subministracións, obras, servizos e calquera outra prestación que, polo seu carácter común, se poidan contratar de forma xeral e con características esencialmente homoxéneas para os diferentes órganos e organismos.
Para os efectos de cumprir esta previsión, o Consello da Xunta que tivo lugar o 20 de febreiro de 2014, o primeiro tras a entrada en vigor da lei, acordou a creación dunha comisión interdepartamental composta pola persoa titular da Secretaría Xeral da Presidencia e polas persoas titulares das secretarías xerais técnicas das consellerías da Xunta de Galicia. Esta comisión asumiu, entre as súas funcións, elaborar a proposta deste catálogo único, que integre os de todos os órganos da Administración xeral e do sector público autonómico, para os efectos do seu sometemento ao Consello da Xunta logo do informe da consellería competente en materia de avaliación e reforma administrativa. Así mesmo, de conformidade co disposto no artigo 20.2 da Lei 14/2013, do 26 de decembro, asumiu a función de determinar as prestacións susceptibles de contratación centralizada.
Na súa virtude, por proposta da comisión interdepartamental, logo do informe favorable da consellería competente en materia de avaliación e reforma administrativa e logo de deliberación do Consello da Xunta, na súa reunión de dezaoito de setembro de dous mil catorce,
ACÓRDASE:
Primeiro. Obxecto do acordo
1. Aprobar o catálogo de medios e prestacións que serán obxecto de cooperación, colaboración e asistencia no ámbito interno do sector público autonómico que se incorpora como anexo I a este acordo.
2. Tomar razón da relación de subministracións, obras, servizos e outras prestacións, que serán susceptibles de contratación centralizada, que se incorpora como anexo II a este acordo.
Segundo. Ámbito de aplicación
O seu ámbito de aplicación será o sector público autonómico, integrado, de acordo coa Lei 16/2010, do 17 de decembro, de organización e funcionamento da Administración xeral e do sector público autonómico de Galicia, pola Administración xeral da Comunidade Autónoma de Galicia e as entidades instrumentais do seu sector público.
Terceiro. Órganos ou entidades encargados da autoprovisión
Os órganos ou entidades encargados dos medios e prestacións que serán obxecto de cooperación, colaboración e asistencia no ámbito interno do sector público autonómico serán os sinalados no anexo I deste acordo para cada un dos medios ou prestacións.
Cuarto. Instrumentos de cooperación, colaboración e asistencia
Para os medios e prestacións incluídos no catálogo deberase acudir á cooperación, colaboración e asistencia no ámbito interno do sector público autonómico, que se fará efectivo a través dos seguintes instrumentos:
a) Protocolos de coordinación.
b) Comisións ou grupos de traballo.
c) Encomendas de xestión.
d) Acordos de colaboración ou cooperación para o desempeño conxunto de tarefas comúns.
e) Outros instrumentos e procedementos que, de maneira común e voluntaria, se establezan.
Quinto. Excepcións
1. Poderase acudir á contratación externa cando a autoprovisión non resulte viable, por non poderen ser cumpridamente satisfeitas polos órganos ou entidades instrumentais do sector público as necesidades que se pretenden cubrir, mediante algún dos procedementos de colaboración indicados neste acordo, pola insuficiencia, carencia ou inadecuación dos medios de que dispoñan.
2. No expediente de contratación debe xustificarse a imposibilidade de facer uso da autoprovisión.
3. O órgano ou entidade a que lle tería correspondido a asunción de tarefas que serán obxecto de contratación externa deberá supervisar e prestar asistencia no proceso de contratación e na execución das prestacións para velar pola coordinación e asegurarse de que non se xeren duplicidades, sempre que así o requira o órgano ou entidade solicitante desas prestacións.
Sexto. Actualización do catálogo
O catálogo poderase actualizar mediante acordo do Consello da Xunta, por proposta da comisión interdepartamental e logo de informe da consellería competente en materia de avaliación e reforma administrativa.
Sétimo. Réxime transitorio
1. Desde o día seguinte á aprobación deste catálogo non se poderá acudir á contratación externa para os medios e prestacións incluídos nel, sen prexuízo do disposto na cláusula quinta deste acordo.
2. Non obstante, os medios e prestacións incluídos neste catálogo, nos cales se acordou o inicio do expediente de contratación con anterioridade á data sinalada no parágrafo anterior, exceptuaranse da aplicación do catálogo ata que finalice o prazo de vixencia dos contratos respectivos.
ANEXO I
Catálogo de medios e prestacións obxecto de autoprovisión
Departamento encargado |
Centro directivo/entidade encargado/a |
Servizo ou prestación obxecto |
Presidencia da Xunta de Galicia |
Redes de Telecomunicación Galegas (Retegal) |
Servizos de investimento e mantemento en telecomunicacións |
Presidencia da Xunta de Galicia; Consellería de Facenda e Consellería de Sanidade |
Axencia para a Modernización Tecnolóxica de Galicia (Amtega); Cixtec e Sergas |
Servizo de Administración electrónica |
Vicepresidencia e Consellería de Presidencia, Administracións Públicas e Xustiza |
Dirección Xeral de Avaliación e Reforma Administrativa |
Servizo de avaliación de resultados |
Axencia Galega de Emerxencias (Axega) |
Servizo de xestión de emerxencias |
|
Academia Galega de Seguridade Pública (Agasp) |
Servizo de cesión de instalacións |
|
Servizo de formación |
||
Escola Galega de Administración Pública (EGAP) |
Servizo de biblioteca |
|
Servizo de formación |
||
Servizo de cesión de instalacións |
||
Fundación Galicia Europa (FGE) |
Servizo de elaboración de informes, formación e organización de actividades |
|
Servizo de cesión de instalacións |
||
Asesoría Xurídica Xeral da Xunta de Galicia |
Asistencia xurídica das entidades do sector público autonómico |
|
Dirección Xeral de Relacións Institucionais e Parlamentarias |
Estudar, desde un punto de vista competencial, a produción normativa do Estado e doutras comunidades autónomas. |
|
Dirección Xeral de Emerxencias e Interior |
Elaboración e xestión de plans |
|
Consellería de Facenda |
Intervención Xeral da Xunta de Galicia |
Auditoría de contas |
Consello Galego da Competencia (CGC) |
Asesoramento xurídico en materia de prácticas prohibidas pola Lei de defensa da competencia e en materia de axudas públicas |
|
Instituto Galego de Estatística (IGE) |
Servizo de formación e previsión, recollida, análise e diagnóstico de datos |
|
Centro Informático para a Xestión Tributaria Económico-Financeira e Contable (Cixtec) |
Servizos de xestión económico-financeira e contable |
|
Consellería de Medio Ambiente, Territorio e Infraestruturas |
Axencia Galega de Infraestruturas (AXI) |
Servizo técnico en infraestruturas |
Instituto de Estudos do Territorio (IET) |
Asistencia técnica en materia de cartografía e para aquelas tarefas que requiran de datos xeográficos así como asistencia no desenvolvemento de instrumentos de ordenación do territorio |
|
Instituto Galego da Vivenda e Solo (IGVS) |
Redaccións de plans e proxectos sectoriais e outros instrumentos urbanísticos e redacción de proxectos de expropiacións |
|
Consellería de Economía e Industria |
Laboratorio Oficial de Metroloxía de Galicia (LOMG) |
Servizo de instrumentos e medios de medida e formación nesta materia |
Instituto Enerxético de Galicia (Inega) |
Servizo de xestión e desenvolvemento da rede de enerxía e de eficiencia enerxética |
|
Axencia Galega de Innovación (Gain) |
Servizo de formación e asesoramento en I+D+i |
|
Laboratorio de Consumo de Galicia |
Análise de produtos de consumo como os uniformes do persoal |
|
Instituto Galego de Promoción Económica (Igape) |
Servizo de asesoramento e xestión en materia de instrumentos financeiros |
|
Consellería de Cultura, Educación e Ordenación Universitaria |
Dirección Xeral de Educación, Formación Profesional e Innovación Educativa |
Servizo de formación |
Fundación Cidade da Cultura de Galicia |
Servizo de cesión de instalacións |
|
Consellería de Sanidade |
Dirección Xeral de Innovación e Xestión da Saúde Pública |
Realización de auditorías internas do control oficial |
Servizo de análise de augas |
||
Secretaría Xeral Técnica (Subdirección Xeral de Inspección, Auditoría e Acreditación de Servizos Sanitarios) |
Realizar os controis das incapacidades temporais |
|
Consellería de Traballo e Benestar |
Instituto Galego de Seguridade e Saúde Laboral (Issga) |
Servizos de promoción e formación en prevención de riscos laborais |
Servizo de detección de terceiros obrigados ao pagamento da atención sanitaria prestada polo Sergas no suposto de accidentes de traballo |
||
Consellería do Medio Rural e do Mar |
Fondo Galego de Garantía Agraria (Fogga) |
Servizo de xestión de fondos europeos en materia agraria |
Centro Tecnolóxico do Mar (Cetmar) |
Servizos de formación e I+D+i en materia pesqueira e acuícola |
|
Empresa Pública de Servizos Agrarios Galegos, S.A. (Seaga) |
Servizos en materia agraria, forestal, ambiental, animal e mariña |
|
Instituto Galego de Calidade Alimentaria (Ingacal) |
Servizos en I+D+i no ámbito agrario e forestal |
|
Fundación do Centro Tecnolóxico da Carne (CTC) |
Servizos en materia de carne e produtos cárnicos |
|
Instituto Tecnolóxico para o Control do Medio Mariño de Galicia (Intecmar) |
Servizo de análises do medio mariño |
ANEXO II
Relación de prestacións que serán obxecto de contratación centralizada
Departamento encargado |
Definición e características do servizo ou prestación |
Presidencia (Amtega) |
Servizo de rede corporativa de telefonía |
Presidencia (Amtega); Facenda (Cixtec) e Sanidade (Sergas) |
Servizos de desenvolvemento da Administración electrónica |
Presidencia (Amtega) |
Servizo de mantemento de fotocopiadoras |
Presidencia (Amtega) |
Subministración de fotocopiadoras, equipamentos de impresión, equipamentos de destrución de documentos, equipamentos para o tratamento da información… |
Vicepresidencia e Consellería de Presidencia, AA.PP. e Xustiza |
Servizo de limpeza de edificios administrativos con excepción dos centros educativos e sanitarios que lle corresponderán á consellería respectiva |
Vicepresidencia e Consellería de Presidencia, AA.PP. e Xustiza |
Servizo de mantemento de edificios administrativos con excepción dos centros educativos e sanitarios que lle corresponderá á consellería respectiva |
Vicepresidencia e Consellería de Presidencia, AA.PP. e Xustiza |
Servizo de vixilancia e seguridade dos edificios administrativos con excepción dos centros educativos e sanitarios que lle corresponderán á consellería respectiva |
Vicepresidencia e Consellería de Presidencia, AA.PP. e Xustiza |
Servizos postais e telegráficos |
Vicepresidencia e Consellería de Presidencia, AA.PP. e Xustiza |
Servizo de mensaxaría e paquetaría |
Vicepresidencia e Consellería de Presidencia, AA.PP. e Xustiza |
Acordo marco para o servizo de mantemento e reparación de vehículos |
Vicepresidencia e Consellería de Presidencia, AA.PP. e Xustiza |
Axencias de viaxe |
Vicepresidencia e Consellería de Presidencia, AA.PP. e Xustiza |
Subministración de combustible |
Vicepresidencia e Consellería de Presidencia, AA.PP. e Xustiza |
Acordo marco para a subministración de material de oficina |
Vicepresidencia e Consellería de Presidencia, AA.PP. e Xustiza |
Adquisición de vehículos |
Vicepresidencia e Consellería de Presidencia, AA.PP. e Xustiza |
Acordo marco para a subministración de vestiario, con excepción do vestiario específico do personal das consellerías con competencias en materia de ambiente, territorio e infraestruturas; de sanidade e de medio rural e mar |
Consellería de Facenda |
Póliza seguros de vehículos |
Consellería de Economía e Industria |
Abastecemento enerxético |