De conformidade co disposto nos artigos 59.5 e 60.2 da Lei 30/1992, do 26 de novembro, de réxime xurídico das administracións públicas e do procedemento administrativo común, e por razóns de economía e eficacia, notifícase aos/ás centros ou entidades que se relacionan no anexo o trámite de audiencia da baixa no Rexistro de Centros e Entidades de Formación para o Emprego da Consellería de Traballo e Benestar, devoltos polo servizo de Correos por resultaren descoñecidos os seus destinatarios ou ben porque, intentada a notificación, non se puido efectuar.

O artigo 8.1.c) do Decreto 106/2011, do 19 de maio, polo que se crea o Rexistro de Centros e Entidades de Formación para o Emprego da Consellería de Traballo e Benestar e se regula o procedemento para a inscrición e, se é o caso, acreditación dos centros e entidades que impartan formación para o emprego no territorio da Comunidade Autónoma de Galicia, establece que a Dirección Xeral de Emprego e Formación poderá acordar a baixa no Rexistro de Centros e Entidades de Formación para o Emprego da Consellería de Traballo e Benestar dos centros e entidades cando se produza a baixa no Ficheiro de especialidades formativas de todas as especialidades que teñan inscritas ou acreditadas.

Comprobouse que todas as especialidades que tiñan inscritas ou acreditadas as entidades ou centros que se relacionan no anexo causaron baixa no Ficheiro de especialidades formativas, polo que, previamente ao acordo da súa baixa no Rexistro de Centros e Entidades de Formación para o Emprego da Consellería de Traballo e Benestar, e de conformidade co disposto no artigo 84 da Lei 30/1992, do 26 de novembro, de réxime xurídico das administracións públicas e do procedemento administrativo común, póñolles de manifesto a antedita causa de baixa e comunícolles que dispoñen dun prazo de dez días, contados a partir do seguinte ao da publicación desta cédula, para alegaren e presentaren os documentos e xustificacións que consideren pertinentes.

Santiago de Compostela, 11 de decembro de 2014

Ana Mª Díaz López
Directora xeral de Emprego e Formación

ANEXO