Por ordes desta Consellería de Facenda do 4 de xullo de 2013, do 8 de novembro de 2013, do 27 de febreiro de 2014 e do 8 de maio de 2014 foi autorizado o alleamento, mediante poxa, duns inmobles situados na rúa Federico Tapia, 56, e avenida de Fisterra, 227-229, do concello da Coruña, e nos concellos de Coirós, Ponteceso e Santiso.

Logo de publicarse no Diario Oficial de Galicia do 6 de novembro de 2014, número 213, e nun xornal de ampla difusión (La Voz de Galicia do mesmo día), o Anuncio do 22 de outubro de 2014, da Secretaría Xeral Técnica e do Patrimonio, de alleamento dos citados inmobles, tivo lugar o 2 de decembro de 2014 a poxa pública anunciada, polo que, á vista das actas da mesa de contratación, de conformidade co disposto no artigo 70 do Decreto 50/1989, polo que se aproba o Regulamento do patrimonio da Comunidade Autónoma de Galicia, e tras a proposta da Secretaría Xeral Técnica e do Patrimonio,

DISPOÑO:

Primeiro. Aprobar as seguintes adxudicacións:

1. A José Manuel e Felipe Nuñel Méndez, en cuarta poxa, polo prezo de 265.000 euros, o piso primeiro dereita, do inmoble sinalado co número 56 da rúa Federico Tapia da Coruña. A superficie útil é de 117,50 m2 e estrema: fronte, espazo sobre a rúa Federico Tapia; dereita, entrando, o piso primeiro dereita da mesma planta e, en parte, a caixa de escaleiras da casa; esquerda, casa de Juan Castro Mosquera; e costas, espazo sobre o patio posterior do edificio. Inscrita no Rexistro da Propiedade número 1 da Coruña no tomo 2373, libro 2373, folio 151, predio 58596. Referencia catastral: 8213002NJ4081S0004XG. Piso primeiro esquerda do inmoble sinalado co número 56 da rúa Federico Tapia da Coruña. A superficie útil é de 115 m2 e estrema: fronte, espazo sobre a rúa Federico Tapia; dereita, entrando, edificio do Instituto Nacional de Previsión; esquerda, o piso primeiro dereita da mesma planta e, en parte, a caixa do ascensor da casa; costas, espazo sobre o patio posterior do edificio. Inscrita no Rexistro da Propiedade número 1 da Coruña no tomo 2373, libro 2373, folio 157, predio 58598. Referencia catastral: 8213002NJ4081S0005MH. Praza de garaxe nº 6 do inmoble situado no número 56 da rúa Federico Tapia (número 22 segundo rexistro), constituído por un sector do soto destinado a garaxe, dunha superficie de 9,8 m2, que estrema: fronte, o predio horizontal nº 1; dereita, entrada á praza de garaxe nº 5; esquerda, praza de garaxe nº 7; e costas, herdeiros de Manuel García. Inscrita no Rexistro da Propiedade número 1 da Coruña no tomo 2373, libro 2373, folio 163, predio 63222. Praza de garaxe nº 7 do inmoble situado no número 56 da rúa Federico Tapia (número 22 segundo rexistro), constituído por un sector do soto destinado a garaxe, dunha superficie de 9,1 m2, que estrema: fronte, o predio horizontal número un; dereita, entrando, a praza de garaxe nº 6; esquerda, praza de garaxe nº 8; e costas, dos herdeiros de Manuel García. Inscrita no Rexistro da Propiedade número 1 da Coruña no tomo 2373, libro 2373, folio 168, predio 63224. O 18,18 % do predio horizontal número un, que está formado por un sector da planta do soto da mesma casa nº 56, cun pequeno aseo, e pola rampa de acceso ao dito soto. Ten unha superficie de 116,62 m2, que estrema: fronte, na entrada da rampla, coa rúa Federico Tapia e o resto coas prazas de garaxe nº 1, 2, 10 e 11 e o rocho, o departamento en que está colocado o depósito de combustible e unha parte coa parede que separa do subsolo da rúa Federico Tapia; costas, sala de instalacións e as prazas de garaxe nº 4, 5, 6, 7 e 8; dereita, entrando, a praza de garaxe nº 3; esquerda, casa de Juan Castro Mosquera. Estrema, ademais, interiormente, coa praza de garaxe nº 9. Inscrita no Rexistro da Propiedade nº 1 da Coruña no tomo 1857, libro 1857, folio 8, predio 63210.

2. A José Luis Vázquez Vázquez, en cuarta poxa, polo prezo de 1.050 euros, a parcela nº 599, situada no lugar de Cortiñas, parroquia de Ois, concello de Coirós (A Coruña), cunha superficie aproximada de 185 m2, que, segundo o Rexistro da Propiedade estrema: norte, Elvira Fraga Rivera (598) e Ángela Pato Sánchez (600); sur, camiño; leste, Ángela Pato Sánchez (600); e oeste, Elvira Fraga Rivera (598). Inscrita no Rexistro da Propiedade de Betanzos como predio nº 6950, tomo 1.414, libro 81 e folio 193. Referencia catastral: 1470604NH7817S0001AJ.

3. A Manuel Barrientos Monteagudo e Raquel Lago Martínez, en terceira poxa, polo prezo de 60.000 euros, o inmoble número 2. Local nº 2. Local en planta baixa do edificio que se corresponde cos números 227-229 da avenida de Fisterra, da cidade da Coruña, de 71,80 m2 de superficie construída e 62,63 m2 útiles, que se correspondería en parte coa sección segunda do predio matriz, que conta con acceso independente pola avenida de Fisterra. Cota de participación: 1,50 %. Inscrito no Rexistro da Propiedade nº 2 da Coruña como predio nº 98753, tomo 1878, libro 1878 e folio 125. Referencia catastral: 7210303NJ4071S0002DO.

Segundo. Declarar deserta en primeira, segunda e terceira poxa a adxudicación dos seguintes inmobles:

1. Predio nº 461-1 do plano xeral da zona de concentración parcelaria de Arcediago-Rairiz-Mourazos, concello de Santiso, terreo dedicado a labradío e monte no sitio do Ligón, que estrema: norte, con María Guerreiro Mouriño (452); sur, con descoñecidos (461-2) e camiño; leste, con descoñecidos (462-2); oeste, con Julio Cajide Vilariño (460). Ten unha extensión superficial de 1.291 m2. Inscrito no Rexistro da Propiedade de Arzúa como predio 8017, tomo 770, libro 44 e folio 112. Referencia catastral: 15080A505104610000YU.

Tipo de licitación da primeira poxa: 8.618,61 euros.

Tipo de licitación da segunda poxa: 7.325,82 euros.

Tipo de licitación da terceira poxa: 6.033,03 euros.

2. Edificio de planta baixa, de 106 m2, composta de vivenda de 48 m2 e almacén de 58 m2 que ten, pola súa vez, unha planta alta de 26 m2, que fan un total de 132 m2 construídos, asentado sobre un soar dunha superficie total de 1.704 m2 según a actual medición do Catastro, no punto quilométrico 3,000 da actual estrada AC-422, antiga LC-422, de Buño a Ponteceso, hoxe lugar de Pazos de Abaixo, s/n, do concello de Ponteceso. Inscrito no Rexistro da Propiedade de Carballo como predio nº 15176, tomo 1314, libro 158, folio 97. Referencia catastral 5305805NH1950N0001YM.

Tipo de licitación da primeira poxa: 67.070,17 euros.

Tipo de licitación da segunda poxa: 57.009,64 euros.

Tipo de licitación da terceira poxa: 46.949,12 euros.

Terceiro

O pagamento do prezo de adxudicación efectuarase segundo o estipulado no artigo 70.3º do Decreto 50/1989, do 9 de marzo, polo que se aproba o Regulamento do patrimonio da Comunidade Autónoma de Galicia.

Cuarto

A venda formalizarase como corpo certo en escritura pública, e serán por conta dos adquirentes os custos do seu outorgamento. Os tributos derivados da transmisión serán exixidos conforme o disposto na lexislación tributaria. Así mesmo, quedan a cargo do adxudicatario o pagamento dos custos dos anuncios que se teñan producido neste procedemento de alleamento.

Quinto

Contra esta resolución, que pon fin á vía administrativa, poderase interpor recurso potestativo de reposición ante esta consellería no prazo dun mes, contado desde o día seguinte ao da súa publicación no Diario Oficial de Galicia, ou recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses.

Santiago de Compostela, 4 de decembro de 2014

P.D. (Orde do 9.1.2012; DOG nº 9, do 13 de xaneiro)
Mª del Socorro Martín Hierro
Secretaria xeral técnica e do Patrimonio da Consellería de Facenda