DOG 247 do 26/12/2014 - RESOLUCIÓN do 1 de decembro de 2014 pola que se anuncia a licitación, por procedemento aberto multicriterio e trámite anticipado de gasto, para a adxudicación do contrato non harmonizado das obras de construción dunha minirresidencia con dependencias destinadas á promoción da autonomía persoal no concello de Paradela (Lugo) (contratación documentalmente simplificada).

VI. Anuncios

a) Administración autonómica

Consellería de Traballo e Benestar

RESOLUCIÓN do 1 de decembro de 2014 pola que se anuncia a licitación, por procedemento aberto multicriterio e trámite anticipado de gasto, para a adxudicación do contrato non harmonizado das obras de construción dunha minirresidencia con dependencias destinadas á promoción da autonomía persoal no concello de Paradela (Lugo) (contratación documentalmente simplificada).

1. Entidade adxudicadora.

a) Organismo: Consellería de Traballo e Benestar.

b) Dependencia que tramita o expediente: Secretaría Xeral Técnica-Servizo de Obras.

c) Número de expediente: 118/2014.

2. Obxecto do contrato.

a) Descrición do obxecto: obras de construción de minirresidencia con dependencias destinadas á promoción da autonomía persoal no concello de Paradela (Lugo).

b) Referencia de nomenclatura: CPA: 41.00.3, CPV: 45000000-7.

c) Lugar de execución: Paradela.

d) Prazo de execución: 18 meses.

3. Tramitación e procedemento de adxudicación.

a) Tramitación: ordinaria e anticipado de gasto.

b) Procedemento: aberto.

4. Orzamento base de licitación.

Importe total: un millón seiscentos trinta e dous mil novecentos corenta e sete con trinta e nove euros (1.632.947,39 €), IVE incluído. Anualidade 2015: 1.160.000,09 €, anualidade 2016: 472.947,30 €.

Esta contratación englóbase dentro das actuacións incluídas no convenio específico asinado o 7 de maio de 2012, entre o Ministerio de Agricultura, Alimentación e Medio Ambiente e a Comunidade Autónoma de Galicia, para a execución, o seguimento e a avaliación das accións incluídas nos plans de zona das súas zonas rurais, publicado por Resolución do 22 de maio de 2012 no Boletín Oficial del Estado (Boletín Oficial del Estado núm. 139, do 11 de xuño). O eixe, a medida e o tipo de actuación son os seguintes: 3.32.CA.1 mellora das estruturas para a protección social no medio rural.

5. Garantías.

Provisional: non se exixe.

Definitiva: si (5 % do orzamento base de licitación, IVE excluído (74.224,88 €).

6. Obtención de documentación e información.

a) Entidade: o prego de cláusulas administrativas particulares e o prego de prescricións técnicas poderán ser examinados no Servizo de Obras da Secretaría Xeral Técnica da Consellería de Traballo e Benestar.

b) Domicilio: Edificio Administrativo San Caetano.

c) Localidade e código postal: Santiago de Compostela, 15781.

d) Teléfono:

– Información de índole administrativa: 981 54 46 52 (Mª José Rodríguez Novoa).

– Información de índole técnica: 981 54 72 43 (José Luis López Cousillas).

e) Fax: 981 54 56 85.

f) Data límite de obtención de documentos e información: ata rematar o prazo de presentación de ofertas.

Tamén se poderán obter os pregos relativos a esta contratación no seguinte enderezo da internet: http://www.contratosdegalicia.es/resultado.jsp?N=21671

7. Requisitos específicos do contratista.

a) Clasificación e solvencia: ver o punto 16 do cadro de características do prego de cláusulas administrativas particulares e o punto 3.3 do dito prego.

b) Compromiso de adscrición de medios: deberase xustificar polos medios sinalados no punto 3.3 do prego de cláusulas administrativas particulares.

8. Presentación de ofertas.

a) Data límite de presentación: vinte e seis (26) días naturais contados a partir do día seguinte ao da publicación deste anuncio no Diario Oficial de Galicia.

b) Documentación que hai que presentar: a que figura na cláusula 3 do prego de cláusulas administrativas particulares, debe figurar no exterior dos sobres o CIF do licitador. No caso de que estean inscritos no Rexistro Xeral de Contratistas da Comunidade Autónoma de Galicia, deberán reflectilo de forma fidedigna no exterior do sobre A e indicar o número de rexistro asignado.

c) Lugar de presentación:

1. Oficina do Rexistro Único e Información no complexo administrativo de San Caetano, 15781 Santiago de Compostela, de luns a venres, das 9.00 ás 19.00 horas, e os sábados, das 9.00 ás 14.00 horas.

Calquera posible variación relativa ao horario publicarase no perfil do contratante.

2. As proposicións poderán enviarse por correo dentro do prazo de admisión indicado, xustificando a data de imposición do envío e anunciándollo á Secretaría Xeral Técnica da Consellería de Traballo e Benestar mediante télex, fax ou telegrama, no mesmo día e nun só envío.

Se a documentación se presentase en calquera outro rexistro diferente ao indicado nos parágrafos anteriores, a proposta non será admitida á licitación.

d) Criterios de adxudicación: a oferta máis vantaxosa tendo en conta os criterios que figuran no prego de cláusulas administrativas particulares.

e) Prazo durante o cal o licitador estará obrigado a manter a súa oferta: 3 meses desde a apertura en acto público.

f) Admisión de variantes: non se admiten.

9. Apertura de ofertas.

a) Entidade: Secretaría Xeral Técnica da Consellería de Traballo e Benestar.

b) Domicilio: Edificio Administrativo San Caetano.

c) Localidade: Santiago de Compostela (A Coruña).

d) Data: o acto público de apertura dos sobres B e C efectuarase no lugar, na data e na hora que se publicará no perfil do contratante http://www.contratosdegalicia.es/resultado.jsp?N=21671, con tres días hábiles de antelación á súa realización.

10. Gastos do anuncio: este anuncio será por conta do adxudicatario.

Santiago de Compostela, 1 de decembro de 2014

P.D. (Artigo 1 da Orde do 19.8.2009)
Mª Jesús Lorenzana Somoza
Secretaria xeral técnica da Consellería de Traballo e Benestar