A Xerencia de Xestión Integrada de Lugo, Cervo e Monforte de Lemos, en virtude das competencias atribuídas polo Decreto 168/2010, do 7 de outubro (DOG núm. 199, do 15 de outubro), polo que se regula a estrutura organizativa de Xestión Integrada do Servizo Galego de Saúde, e a Orde do 5 de xullo de 2012 (DOG núm. 139, do 20 de xullo), sobre delegación de competencias en órganos centrais e periféricos do Servizo Galego de Saúde, resolve proceder ao anuncio da convocatoria para a vinculación temporal, por concurso de méritos, das prazas de facultativo especialista de área que se relacionan no anexo deste anuncio.

A citada convocatoria estará exposta nos taboleiros de anuncios do Hospital Universitario Lucus Augusti de Lugo (Oficina de Atención ao Traballador), do Hospital da Costa, do Hospital Comarcal de Monforte, na intranet da propia Xerencia de Xestión Integrada e na páxina web do Servizo Galego de Saúde (www.sergas.es).

As solicitudes e a documentación anexa que conteña a xustificación dos requisitos e méritos, deberán dirixirse ao xerente de Xestión Integrada de Lugo, Cervo e Monforte de Lemos, e poderán presentarse preferentemente nos rexistros dos centros da Xerencia de Xestión Integrada de Lugo, Cervo e Monforte de Lemos, sitos no Hospital Universitario Lucus Augusti na rúa Dr. Ulises Romero, 1, 27003 Lugo, no Hospital da Costa na rúa Rafael Vior, s/n, 27880 Burela e no Hospital Comarcal de Monforte na rúa Corredoira, s/n, 27400 Monforte de Lemos, no prazo de 15 días hábiles contados desde o seguinte á data de publicación do anuncio da presente convocatoria no Diario Oficial de Galicia.

Así mesmo, poderán presentarse a través de cualquera dos rexistros previstos no artigo 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.

Lugo, 27 de novembro de 2014

Antonio García Quintáns
Xerente de Xestión Integrada de Lugo, Cervo e Monforte de Lemos

ANEXO