O Pleno da corporación, na sesión ordinaria que tivo lugar o día 31 de outubro de 2014, adoptou, entre outros, o seguinte acordo:
«a) Aprobar inicialmente a modificación puntual do Plan xeral de ordenación municipal na rúa das Penas, número 9 C, Aríns, segundo o proxecto presentado por Álvaro Menéndez de Luarca Ballesteros.
O proxecto que se somete a aprobación inicial figura integrado pola seguinte documentación:
– Memoria presentada o 27 de xuño de 2014.
– Plano de ordenación resultante presentado o 11 de xullo de 2014.
– Plano e relación identificativa de propiedades afectadas e lindeiras presentados o 11 de xullo de 2014.
b) En aplicación do procedemento regulado polo artigo 85.2 da LOUG, a modificación inicialmente aprobada someterase a información pública durante o prazo de dous meses, mediante anuncios que para o efecto se publicarán no Diario Oficial de Galicia e en dous xornais dos de maior circulación na provincia. Simultaneamente outorgarase audiencia aos municipios limítrofes.
c) A aprobación inicial determina automaticamente, por aplicación do disposto polo artigo 77.2 da LOUG, a suspensión do outorgamento das licenzas que poidan resultar incompatibles coa nova ordenación proposta, durante o prazo máximo de dous anos, contado desde a aprobación inicial».
O que se publica, co fin de que, durante o prazo de dous meses, contado a partir do día seguinte ao da publicación deste anuncio no Diario Oficial de Galicia e en dous xornais dos de maior circulación na provincia, os interesados poidan consultar o expediente no Servizo de Planeamento e Xestión e formular as alegacións que xulguen oportunas.
Santiago de Compostela, 1 de decembro de 2014
Teresa María Gutiérrez López
Concelleira delegada da Área de Desenvolvemento Urbano e Sustentable