A Orde do 27 de xuño de 2014 pola que se establecen as bases reguladoras do Programa para a promoción da integración laboral das persoas con discapacidade en centros especiais de emprego e do Programa de subvencións ás unidades de apoio á actividade profesional no marco dos servizos de axuste persoal e social dos centros especiais de emprego, cofinanciado polo Fondo Social Europeo, e se procede á súa convocatoria para o ano 2014 (Diario Oficial de Galicia núm. 128, do 8 de xullo), establece na súa disposición adicional sexta, na cal se recollen os créditos que financian a orde, que estes importes poderán ser obxecto de modificacións como consecuencia da asignación ou da redistribución de fondos para o financiamento dos programas de fomento de emprego, coas limitacións que estableza a Conferencia Sectorial de Emprego e Asuntos Laborais ou as disposicións aplicables ás axudas cofinanciadas polo Fondo Social Europeo.
En consecuencia, como existen outras dotacións que poden ser utilizadas para os mesmos fins, cómpre ampliar o importe dos créditos destinados ás axudas que poderán ser concedidas ao abeiro da devandita orde, coa finalidade de facelas chegar ao maior número de persoas beneficiarias posible.
Por todo o exposto e no uso das facultades que me foron conferidas,
DISPOÑO:
Artigo 1º
Amplíase o importe total das axudas que se van conceder ao abeiro do Programa para a promoción da integración laboral das persoas con discapacidade en centros especiais de emprego, regulado no anexo A da Orde do 27 de xuño de 2014 pola que se establecen as bases reguladoras do Programa para a promoción da integración laboral das persoas con discapacidade en centros especiais de emprego e do Programa de subvencións ás unidades de apoio á actividade profesional no marco dos servizos de axuste persoal e social dos centros especiais de emprego, cofinanciado polo Fondo Social Europeo, e se procede á súa convocatoria para o ano 2014 (Diario Oficial de Galicia núm. 128, do 8 de xullo) nas seguintes contías e aplicacións orzamentarias que figuran dotadas nos orzamentos xerais da Comunidade Autónoma de Galicia para o ano 2014:
– 11.02.322C.481.2, código de proxecto 2014 00511, na contía de 36.000,00 euros.
– 11.02.322C.470.1, código de proxecto 2013 00527, na contía de 75.000,00 euros.
Artigo 2º
Esta modificación non afecta o prazo establecido na referida orde para a presentación de solicitudes.
Disposición derradeira única
Esta orde entrará en vigor o mesmo día da súa publicación no Diario Oficial de Galicia.
Santiago de Compostela, 28 de novembro de 2014
Beatriz Mato Otero
Conselleira de Traballo e Benestar