No Xulgado do Contencioso-Administrativo número 2 de Vigo tramítase o recurso 312/2014 (procedemento abreviado), interposto pola Federación de Sanidade do Sindicato Nacional de CC.OO. de Galicia contra a desestimación presunta dos recursos de alzada interpostos fronte as resolucións da Xerencia de Xestión Integrada de Vigo 1/2013, 2/2013, 3/2013 e 4/2013, do 28 de novembro, de convocatoria pública para a provisión, polo sistema de avaliación colexiada, dos postos de xefe/a dos servizos de Anxioloxía e Cirurxía Vascular, Dermatoloxía, Medicina Interna e Psiquiatría, respectivamente (anuncios publicados no DOG nº 12, do 20 de xaneiro de 2014).

O que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte no xulgado no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 5 de novembro de 2014

Margarita Prado Vaamonde
Directora xeral de Recursos Humanos