Para os efectos previstos na Lei 24/2013, do 26 de decembro, do sector eléctrico, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización das instalacións eléctricas que se describen:
Solicitante: Electra Alto Miño, S.A.
Domicilio social: polígono industrial Chan da Ponte, parcela 19, 36450 Salvaterra de Miño.
Denominación: LMTS ao CT edificio Acanto e peche bucle CT Dafón 1.
Situación: Salceda de Caselas.
Características técnicas: LMT subterránea a 20 kV con condutor RHZ1, estruturada en dous tramos:
• 105 metros; orixe: CT edificio Girasol; final: CT edificio Acanto.
• 65 metros; orixe: CT edificio Acanto; final: CT edificio Dafón 1.
A instalación está situada nas rúas Vigo e Galicia de Salceda de Caselas.
Todas aquelas persoas ou entidades que se consideren afectadas poderán presentar as súas alegacións nesta xefatura territorial, Edificio Administrativo, avenida Fernández Ladreda 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.
Pontevedra, 8 de outubro de 2014
Ignacio Rial Santomé
Xefe territorial de Pontevedra