No perfil do contratante publícanse íntegros os pregos de condicións para a contratación, mediante procedemento aberto, dun seguro de asistencia sanitaria para o persoal da Deputación Provincial de Ourense, cun tipo de licitación de 249.984,00 € (IVE e demais tributos incluídos), para toda a duración do contrato (catro anos), a razón de 62.496,00 €/ano. As proposicións presentaranse ata as 14.00 horas do décimo quinto (15º) día natural, contado desde o seguinte ao da publicación do anuncio de licitación no Diario Oficial de Galicia, no Rexistro da Deputación Provincial de Ourense. A apertura de proposicións terá lugar de conformidade co disposto na cláusula XIII do prego de condicións. A documentación necesaria e demais datos figuran no mencionado prego de condicións, que será facilitado gratuitamente aos que o soliciten, no Rexistro da Deputación Provincial de Ourense; rúa Progreso, nº 32, ou por teléfono: 988 31 75 40 e fax: 988 31 75 02 ou na páxina web da Deputación www.depourense.es.
Ourense, 7 de novembro de 2014
José Manuel Baltar Blanco
Presidente da Deputación Provincial de Ourense