O 6 de novembro de 2014 anunciouse no Diario Oficial de Galicia número 213, e no diario La Voz de Galicia a realización dunha poxa pública para o día 2 de decembro de 2014, no Edificio Administrativo da Axencia Tributaria de Galicia na Coruña, co obxecto de proceder á venda de varios inmobles situados nos concellos da Coruña, Coirós, Vilarmaior, Santiso e Ponteceso.

En particular, anunciouse a venda do inmoble situado en Doroña, lugar da Greleira, concello de Vilarmaior.

O 10 de novembro de 2014 a Consellería de Medio Ambiente, Territorio e Infraestruturas solicitou a suspensión do procedemento de venda por motivo de interese público, posto que existe unha actuación programada con motivo da mellora da intersección no p.q. 3+530 da AC-151 que afecta a dito inmoble.

Na súa virtude, de conformidade co artigo 66.2º do Decreto 50/1989, do 9 de marzo, polo que se aproba o Regulamento de patrimonio da Comunidade Autónoma de Galicia,

DISPOÑO:

Primeiro. Acordar a suspensión por motivo de interese público do procedemento de venda do seguinte inmoble:

Soar de 409,50 m2 sobre o cal se asenta unha vivenda de planta baixa de 109 m2 e faiado de 44 m2, no lugar da Greleira, Doroña, concello de Vilarmaior. Estrema o conxunto: norte, estrada AC-151; sur, herdeiros de Juan Núñez Corral, hoxe Mª Carmen Vázquez Núñez; leste, Eugenio Brañas Mahía, hoxe María Brañas Varela; e oeste, Concepción Álvarez Fernández. Referencia catastral: 001101700NJ70C0001YZ. Inscrito no Rexistro da Propiedade de Pontedeume como predio nº 3.857, no tomo 1.114, no libro 35, folio 68.

Segundo. Contra esta orde, que pon fin á vía administrativa, poderase interpor recurso potestativo de reposición ante a conselleira de Facenda no prazo dun mes, contado a partir do día seguinte ao da súa publicación no Diario Oficial de Galicia, de conformidade co establecido na Lei 30/1992, do 26 de novembro, de réxime xurídico das administracións públicas e do procedemento administrativo común, ou poderán impugnala directamente ante o xulgado do contencioso-administrativo competente no prazo de dous meses, contados a partir da mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 13 de novembro de 2014

P.D. (Orde do 9.1.2012; DOG nº 9, do 13 de xaneiro)
Mª del Socorro Martín Hierro
Secretaria xeral técnica e do Patrimonio da Consellería de Facenda