Para os efectos previstos na Lei 24/2013, do 26 de decembro, do sector eléctrico, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:

Solicitante: Unión Fenosa Distribución, S.A.

Domicilio social: travesía de Vigo, 204, 36207 Vigo.

Denominación: nova saída subestación Cangas-praza de abastos.

Situación: Cangas.

Características técnicas: LMT subterránea a 20 kV con condutor tipo RHZ de 1.450 metros, con orixe no empalme na LMTS CII807 procedente da subestación Cangas 2 e final no centro de transformación praza de abastos (36CBD3). A instalación está situada en Cangas.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, Edificio Administrativo, avenida Fernández Ladreda, 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.

Pontevedra, 28 de outubro de 2014

Ignacio Rial Santomé
Xefe territorial de Pontevedra