Ao abeiro do artigo 105.2 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, procédese a rectificar os seguintes erros detectados de oficio no anuncio de información pública sobre emprazamento de persoal para os recursos contencioso-administrativos 227, 230, 231 e 223/2014, que debe quedar redactado do xeito seguinte:
«Logo de presentados recursos contencioso-administrativos por Dámaso Pena González nº 228/2014 p.a., por Úrsula Comesaña Ambrosio nº 230/2014 p.a. e por Paula Davila Granada nº 231/2014 p.a., contra o Acordo da Xunta de Goberno Local do 23 de maio de 2014, desestimatorio dos recursos de reposición formulados contra as bases específicas para a provisión de vinte e tres (23) prazas de Policía Local, correspondentes á oferta de emprego público dos anos 2010-2011, que se está a tramitar perante o Xulgado do Contencioso-Administrativo número 2 de Vigo, por este anuncio, e para os efectos da publicidade exixida polo artigo 47.2º da Lei 29/1998, do 13 de xullo, reguladora da xurisdición contencioso-administrativa, na redacción dada pola Lei 13/2009, do 3 de novembro, de reforma da lexislación procesual, procédese a emprazar os posibles interesados que desexen comparecer nos procesos indicados».
Vigo, 27 de outubro de 2014
Carlos López Font
Concelleiro delegado da Área de Xestión Municipal