Intentada sen efecto a notificación no domicilio da interesada, de conformidade co disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común (LRXPAC), publícase segundo o establecido no número 5 do devandito artigo, a notificación de emprazamento para o trámite de audiencia a Ana Belén López Souto.

O expediente mencionado está á disposición da interesada nas dependencias da Asesoría Xurídica da Xerencia de Xestión Integrada de Santiago de Compostela sita no Hospital Clínico de Santiago de Compostela, Edificio B primeira planta, travesía da Choupana, s/n, Santiago de Compostela, para a súa consulta, dispón dun prazo de dez (10) días hábiles, que se contarán desde o día seguinte ao da publicación desta cédula para obter copia dos documentos que considere oportunos, e para formular alegacións e presentar a documentación que considere pertinente.

Santiago de Compostela, 29 de outubro de 2014

Luís Verde Remeseiro
Xerente de Xestión Integrada de Santiago de Compostela