Primeiro. Con data do 8.10.2014 foi publicada no DOG a convocatoria do procedemento de licitación para a contratación e execución da obra de pantaláns para a frota mexilloeira no porto de Moaña (Pontevedra), clave de expediente 13/2014-CNTOB, e o prazo de presentación de proposicións rematou o pasado día 3.11.2014.
Segundo. Con data do 3.11.2014 a empresa Aister - Aislamientos Térmicos de Galicia, S.A., alegou que:
No punto 3. Estudo xeolóxico e xeotécnico da memoria do proxecto se cita textualmente «Realizouse unha exploración dos fondos, que se xunta no correspondente anexo»; así mesmo, no punto 12. Documentos do proxecto da citada memoria menciónase a existencia dun anexo número 5 Exploración submarina.
En ambos os casos, os documentos mencionados na memoria no están incluídos no proxecto, polo que se fai inviable a correcta valoración das estacas de fincar por descoñecemento dos terreos.
Considerando o deber de igualdade de trato, non discriminación, publicidade, transparencia e concorrencia que informan a actividade de contratación pública conforme as directivas europeas na materia e o texto refundido da Lei de contratos do sector público, visto o exposto, ao abeiro das facultade previstas no artigo 6.3 da Lei de creación de portos de Galicia 5/1994, do 29 de novembro,
ACORDO:
Primeiro. Dispor a emenda da omisión da posta á disposición dos licitadores interesados do documento de anexo número 5 Exploración submarina que forma o proxecto das obras de pantaláns para a frota mexilloeira no porto de Moaña (Pontevedra), clave de expediente 13/2014-CNTOB.
Segundo. Acordar a publicación desta emenda no/s diario/s oficial/ais que corresponda/n, establecendo un novo e íntegro prazo de presentación de proposicións de 26 días naturais contados desde a publicación no diario oficial desta resolución.
Santiago de Compostela, 12 de novembro de 2014
José Juan Durán Hermida
Presidente de Portos de Galicia