Coa data do 8 de outubro de 2014, o/a instrutor/a do procedemento ditou proposta de resolución do expediente sancionador 2014256AL-CO incoado na Xefatura Territorial da Consellería de Sanidade da Coruña a Landeira Delicatesen, S.L.
Intentada a notificación da proposta de resolución segundo o disposto no artigo 59.2 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio desta cédula e ao abeiro do disposto no número 5 do devandito artigo, notifícaselle a Landeira Delicatesen, S.L. o contido da dita proposta de resolución, que figura como anexo, para que poida ter coñecemento dela.
Así mesmo, fáiselle saber o dereito que a asiste ao abeiro do disposto no número 1 do artigo 19 do Real decreto 1398/1993, do 4 de agosto, polo que se aproba o Regulamento para o exercicio da potestade sancionadora, para presentar alegacións ante a xefatura territorial no prazo de 15 días hábiles, contados desde o seguinte ao da publicación desta cédula, lembrándolle o seu dereito a consultar o expediente depositado nas dependencias da xefatura, sita na rúa Durán Loriga, 3, A Coruña, e a obter, se é o caso, copia do expediente, segundo o previsto na letra a) do artigo 35 da Lei 30/1992, do 26 de novembro.
Esta cédula expídese para que conste e lle sirva de notificación á interesada, en cumprimento co disposto no artigo 59.5 da Lei 30/1992, do 26 de novembro.
A Coruña, 27 de outubro de 2014
Cristina Pérez Fernández
Xefa territorial da Coruña
ANEXO
Nº de expediente: 2014256AL-CO.
Interesada: Landeira Delicatesen, S.L.
DNI/NIF/CIF: B70015086.
Último enderezo coñecido: rúa da Paz, 19-3º, 15940 A Pobra do Caramiñal.
Feito/s imputado/s: infracción da lexislación aplicable en materia sanitaria.
Artigo/s infrinxido/s:
– Regulamento (CE) 852/2004, do 29 de abril, do Parlamento Europeo e do Consello, relativo á hixiene dos produtos alimenticios (DO núm. 139, do 30 de abril de 2004; rectif. DO núm. 204 do 4 agosto de 2007). Anexo II. Requisitos hixiénicos xerais aplicables a todos os operadores de empresa alimentaria (agás se é de aplicación o anexo I). Capítulo I. 1. 2. a) b) c). 8. Capítulo II. 1. a) b) c) d) e).
– Lei 17/2011, do 5 de xullo, de seguridade alimentaria e nutrición (BOE núm. 160, do 6 de xullo). Artigo 50. 1. e), artigo 51.1, artigo 52.1.a).
Tipificación provisional: leve.
Sanción proposta: 300 €.