De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícase á entidade Escuela de Conductores Benjamín, S.L. a Resolución do 18 de xullo de 2014, da directora xeral de Emprego e Formación, ditada no procedemento de baixa no Rexistro de Centros e Entidades de Formación para o Emprego da Consellería de Traballo e Benestar.

«Número de censo: 27H00131.

Escuela de Conductores Benjamín, S.L.

Rúa Castelao, 84.

27297 Lugo.

Lugo.

Logo de examinar a inscrición da entidade Escuela de Conductores Benjamín, S.L., CIF B27179597, no Rexistro de Centros e Entidades de Formación para o Emprego da Consellería de Traballo e Benestar,

Supostos de feito:

Primeiro. A entidade Escuela de Conductores Benjamín, S.L. encóntrase inscrita no Rexistro de Centros e Entidades de Formación para o Emprego da Consellería de Traballo e Benestar, co número 27H00131, nas especialidades formativas seguintes:

Código especialidade	Descrición	Alta homologación
TMVC31	Condutor de vehículos clases C	17.10.2001

Segundo. A Xefatura Territorial da Consellería de Traballo e Benestar requiriu a entidade Escuela de Conductores Benjamín, S.L. para os efectos de comprobar o cumprimento dos requisitos establecidos na normativa vixente para manter a condición de centro/entidade inscrito/a ou acreditado/a no Rexistro de Centros e Entidades de Formación para o Emprego da Consellería de Traballo e Benestar.

Terceiro. O 10 de febreiro de 2014 devolveuse a notificación do requirimento por resultar descoñecido o centro no enderezo rúa Castelao, 84, 27297 Lugo.

Cuarto. O 20 de marzo de 2014, persoal técnico realizou unha visita ao centro Escuela de Conductores Benjamín, S.L. e comprobouse que non existe o dito centro na rúa Castelao, 84, 27297 Lugo.

Quinto. En cumprimento do disposto na disposición transitoria primeira do Decreto 106/2011, o 24 de marzo de 2014 o xefe territorial da Consellería de Traballo e Benestar de Lugo propón a baixa da entidade no Rexistro de Centros e Entidades de Formación para o Emprego, por non existir o dito centro no enderezo sinalado.

Fundamentos de dereito:

Primeiro. A competencia para resolver o presente expediente correspóndelle á directora xeral de Emprego e Formación, de conformidade co establecido no artigo 6.3º e artigo 8 do Decreto 106/2011, do 19 de maio.

Segundo. A disposición transitoria primeira do Decreto 106/2011, do 19 de maio, dispón que os centros e entidades de formación inscritos no Censo de centros colaboradores de formación ocupacional da Consellería de Familia e Promoción do Emprego, Muller e Xuventude, en virtude do Decreto 158/2001, quedarán inscritos e, se é o caso, acreditados, no Rexistro de Centros e Entidades de Formación naquelas especialidades formativas en que estivesen homologados, e disporán dun prazo de dous anos para adaptar as súas instalacións aos requisitos establecidos no artigo 30 da Orde TAS 718/2008, do 7 de marzo. Así mesmo, establece que, transcorrido o dito prazo de dous anos sen adaptarse á antedita normativa, causarán baixa automaticamente.

Revisado o expediente compróbase que xa non existen instalacións da Escuela de Conductores Benjamín, S.L. na rúa Castelao, 84, 27297 Lugo.

Terceiro. Tendo en conta que na tramitación do expediente se observaron as normas que para o efecto se establecen no Decreto 106/2011, do 19 de maio, e na Lei de réxime xurídico das administracións públicas e do procedemento administrativo común.

Logo de ver o Real decreto 395/2007, do 23 de marzo, polo que se regula o subsistema de formación profesional para o emprego; a Orde TAS/718/2008, do 7 de marzo, modificada pola Orde ESS/1726/2012, do 2 de agosto, pola que se desenvolve o antedito real decreto; o Decreto 106/2011, do 19 de maio, polo que se crea o Rexistro de Centros e Entidades de Formación para o Emprego da Consellería de Traballo e Benestar e se regula o procedemento para a inscrición e, se é o caso, acreditación dos centros e entidades que impartan formación para o emprego no territorio da Comunidade Autónoma de Galicia; o Decreto 235/2012, do 5 de decembro, polo que se fixa a estrutura orgánica da Vicepresidencia e das consellerías da Xunta de Galicia; o Decreto 42/2013, do 21 de febreiro, polo que se establece a estrutura orgánica da Consellería de Traballo e Benestar; a Lei 30/1992, do 26 de novembro, de réxime xurídico das administracións públicas e do procedemento administrativo común, e a demais normativa de xeral aplicación.

RESOLVO:

Dar de baixa a entidade Escuela de Conductores Benjamín, S.L., número 27H00131, no Rexistro de Centros e Entidades de Formación para o Emprego da Consellería de Traballo e Benestar.

Notifíqueselles aos interesados a presente resolución para o seu coñecemento e efectos oportunos.

Contra esta resolución poderase interpor recurso de alzada ante a conselleira de Traballo e Benestar no termo dun mes contado desde a súa notificación, de acordo co establecido no artigo 114, seguintes e concordantes da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro».

Santiago de Compostela, 22 de outubro de 2014

Ana Mª Díaz López
Directora xeral de Emprego e Formación