Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 215 Luns, 10 de novembro de 2014 Páx. 46911

VI. Anuncios

a) Administración autonómica

Consellería de Medio Ambiente, Territorio e Infraestruturas

ANUNCIO do 16 de outubro de 2014, da Secretaría Xeral de Calidade e Avaliación Ambiental, polo que se fai pública a memoria ambiental correspondente ao procedemento de avaliación ambiental estratéxica da modificación puntual das normas subsidiarias de planeamento municipal para a dotación de solo urbanizable industrial de Cotobade.

Faise pública a Resolución do 15 de outubro de 2014 pola que se aproba a memoria ambiental correspondente ao procedemento de avaliación ambiental estratéxica da modificación puntual das normas subsidiarias de planeamento municipal para a dotación de solo urbanizable industrial de Cotobade, en cumprimento do disposto na devandita resolución.

O proceso de avaliación ambiental estratéxica previsto na Lei 9/2006, do 28 de abril, sobre avaliación dos efectos de determinados plans e programas no ambiente, está integrado no procedemento de aprobación dos instrumentos de planeamento urbanístico segundo o disposto na Lei 9/2002, do 30 de decembro, de ordenación urbanística e protección do medio rural de Galicia.

A memoria ambiental pódese consultar no seguinte enderezo da internet:
http://www.cmati.xunta.es/busca-por-palabra-clave, introducindo o código: 1387/2012.

Santiago de Compostela, 16 de outubro de 2014

Justo de Benito Basanta
Secretario xeral de Calidade e Avaliación Ambiental