De conformidade co disposto no artigo 59.4 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, notifícaselle á entidade que se relaciona no anexo, por non ser posible a súa notificación por correo certificado, a resolución ditada no procedemento sancionador PO-2013/26, por infracción da Lei 13/2010, do 17 de decembro, do comercio interior de Galicia.

O importe da sanción farase efectivo, mediante ingreso na conta restrinxida de recadación de multas e sancións a favor do Tesouro da Facenda galega, en calquera das oficinas das entidades bancarias de Novacaixagalicia Banco, BBVA ou de Banesto, facendo constar o número de expediente, no prazo establecido no artigo 62.2 da Lei 58/2003, do 17 de decembro, xeral tributaria, contado a partir do día seguinte ao da publicación desta resolución. Para efectuar o ingreso deberá empregar os impresos normalizados que lle serán facilitados nas oficinas da Dirección Xeral de Comercio, sita no Edificio Administrativo San Caetano, s/n, bloque 5-3ª planta, de Santiago de Compostela.

Unha vez transcorrido o citado prazo, cobrarase pola vía administrativa de constrinximento, de conformidade co establecido na disposición segunda da Orde da Consellería de Economía e Facenda do 23 de novembro de 2001 (DOG do 5 de decembro).

Non obstante o anterior, contra a referida resolución, que é definitiva en vía administrativa, cabe interpoñer recurso potestativo de reposición, perante o conselleiro de Economía e Industria, no prazo dun mes contado desde o día seguinte ao da publicación desta notificación, ou ben recurso contencioso-administrativo, ante os xulgados do contencioso-administrativo de Santiago de Compostela ou da circunscrición correspondente ao domicilio da entidade sempre que radique en Galicia, á súa elección, no prazo de dous meses contados desde a dita data.

Santiago de Compostela, 23 de outubro de 2014

Sol María Vázquez Abeal
Directora xeral de Comercio

ANEXO

Nº de expediente: PO-2013/26.

Nome: Enzo Durán Pujales titular do establecemento La Cigüeña Pedigüeña.

NIF: 39464250-E.

Enderezo: rúa Álvaro Cunqueiro, 14, 36211 Vigo (Pontevedra).

Precepto cualificador da infracción: artigo 44.2 e 44.3 da Lei 13/2010, do 17 de decembro, do comercio interior de Galicia.

Sanción: multa de 1.501,00 euros.