Susana Varela Amboage, secretaria xudicial do Xulgado do Social número 3 de Santiago de Compostela (A Coruña).

Fai saber que nos autos de execución 245/2013, seguidos neste xulgado, sobre reclamación de cantidade, por instancia de Jesús Luis Montero Ares, contra APV Motor, S.A., Autos 33, S.A., Millarent, S.L., Sanrent, S.L., en reclamación de 81.567,07 euros de principal, máis 8.156,70 euros que se calculan para xuros, gastos e costas, acordouse por resolución do día da data sacar a pública poxa polo prazo de vinte días os bens embargados á executada, Millarent, S.L., que logo se indicarán, e sinalar para a celebración poxa o día 1 de decembro de 2014 ás 13.15 horas, no andar 2º do Edificio dos Xulgados, sita na rúa Berlín s/n, Polígono das Fontiñas, desta cidade de Santiago de Compostela, rexéndose esta polas seguintes condicións:

a) Que os licitadores a excepción do executante para tomar parte na poxa deberán presentar xustificante acreditativo de ter depositado, na conta de Depósitos e Consignacións deste xulgado, referencia número 5076-0000-64-0245-13 no Banco Santander o 5 %, do valor do vehículo para os efectos de poxa, devolvendo as cantidades, unha vez aprobado o remate, a aqueles que participen na poxa, agás ao mellor ofertante, salvo que soliciten o seu mantemento a disposición do xulgado para o caso en que o rematante non consignase o resto do prezo, debendo consignar así mesmo no devandito xustificante se, se é o caso, recibiu en todo ou en parte cantidades dun terceiro.

b) Que poderán facerse posturas por escrito en sobre pechado, desde o anuncio da poxa ata a súa celebración, facéndose o depósito ao que se fixo mención anteriormente, cuxos sobres serán abertos ao inicio da poxa, producindo os mesmos efectos que as que se realicen oralmente.

c) O executante só poderá tomar parte na poxa cando existan licitadores, podendo mellorar as ofertas que se fixesen, sen necesidade de consignar cantidade ningunha.

d) Que poderán facerse ofertas superiores ao 70 % do valor do vehículo para os efectos de poxa, pero ofrecendo pagar a prazos con garantías suficientes, bancarias ou hipotecarias, do prezo do remate.

e) Para o caso de que se fagan posturas e non superen o 50 % do valor de taxación ou que non cubran, polo menos, a cantidade pola que se despachase execución, incluíndo a previsión para xuros e custas, resolverase sobre a aprobación do remate á vista das circunstancias do caso.

f) Só a adquisición ou adxudicación practicada en favor dos executantes ou dos responsables legais solidarios ou subsidiarios poderá efectuarse en calidade de ceder a terceiro.

g) A certificación rexistral e, se é o caso, a titulación do ben que se poxa estarán de manifesto na Secretaría deste xulgado.

h) Entenderase que todo licitador acepta como bastante a titulación existente ou que non existan títulos.

i) As cargas ou gravames anteriores, se os houber, ao crédito do demandante continuarán subsistentes e que, polo só feito de participar na poxa, o licitador os admite e queda subrogado na responsabilidade derivada daqueles, se o remate se adxudicar ao seu favor.

j) O presente edicto está exposto no taboleiro de anuncios deste xulgado, publicarase no DOG e no portal de poxas xudiciais e electrónicas existentes e dependente do Ministerio de Xustiza.

O presente edicto servirá ademais de para os efectos de publicación, de notificación e citación para todos os efectos ás partes.

Bens obxecto de poxa:

Os seguintes bens titularidade de Millarent, S.L.:

1. Vehículo matrícula 7660GBC, marca Fiat, modelo Punto, tipo turismo, número de bastidor ZFA19900000372245.

Taxación para poxa: 3.140 euros.

2. Vehículo matrícula 1121FYX, marca Alfa Romeo, modelo Spider, tipo turismo, número de bastidor ZAR93900005008427.

Taxación para poxa: 6.500 euros.

3. Vehículo matrícula 2098HBB, marca Tata, modelo Tata Safari, tipo todo terreo, número de bastidor MAT4030788NL00152.

Taxación para poxa: 5.200 euros.

4. Vehículo matrícula 5924GXH, marca Alfa Romeo, modelo Alfa Giulietta, tipo turismo, número de bastidor ZAR94000007007100.

Taxación para poxa: 9.000 euros.

Os vehículos encóntranse depositados no depósito municipal de vehículos en Amio s/n en Santiago de Compostela.

Santiago de Compostela, 9 de outubro de 2014

A secretaria xudicial