A Dirección de Augas de Galicia como órgano de contratación, ao abeiro da Resolución do 30 de xaneiro de 2012 de delegación de competencias ditada pola Presidencia do organismo e de acordo co establecido no Decreto 32/2012, do 12 de xaneiro, polo que se aproba o estatuto da entidade pública, e para os efectos previstos na normativa da Unión Europea reguladora dos fondos europeos en relación coa obriga de información e publicidade das actuacións cofinanciadas polos ditos fondos, procede a dar publicidade á actuación que a continuación se relaciona en previsión do seu cofinanciamento pola Unión Europea:
1) Obxecto do contrato.
– Título: servizo de apoio en SIG e cartografía para o proxecto Parzaría de apoio técnico á consolidación da Administración rexional de Augas do Norte (PATCO-ARA Norte). Mozambique.
Clave do expediente: M.14018.
Descrición: o obxectivo xeral do proxecto é o de garantir o desenvolvemento da xestión dos recursos hídricos e das infraestruturas hidráulicas de Mozambique, contribuíndo á redución da pobreza da poboación.
Orzamento de adxudicación: importe neto: 11.500,00 euros. Importe total: 13.915,00 euros.
Prazo de execución: catro (4) meses.
Data da adxudicación: 26 de maio de 2014.
Contratista: Innovación, Cooperación, Cartografía y Territorio, S.L.
2) Cofinanciamento da Unión Europea.
A actuación referida está cofinanciada pola Unión Europea nunha porcentaxe máxima do 75 % a través do proxecto Parzaría de apoio técnico á consolidación da Administración rexional de Augas do Norte (ARA-Norte). Mozambique.
Augas de Galicia é o socio coordinador do mencionado proxecto no marco da convocatoria da DG EuropeAid (da Unión Europea): 10 EDF ACP – EU Water facility Restricted Call for Partnerships for Capacity Development in the ACP Water & Sanitation Sector (EUROPEAID/129510/C/ACT/Multi).
Con data do 2 de agosto de 2011 resolveuse desde a Comisión Europea outorgar a Augas de Galicia unha subvención para o financiamento do proxecto PATCO ARA-Norte asinado pola Unión Europea o 8 de xuño de 2012 e por Augas de Galicia o 25 de xuño de 2012 co contrato subvención número 2011/257-073.
Santiago de Compostela, 16 de outubro de 2014
P.D. (Resolución do 30.1.2012; DOG núm. 21, do 31 de xaneiro)
Gonzalo Mosqueira Martínez
Director de Augas de Galicia