De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícase ás persoas que a seguir se relacionan a solicitude de acreditación da representación nos recursos interpostos contra resolucións de expedientes sancionadores instruídos por infraccións da normativa reguladora dos transportes terrestres, por resultaren descoñecidos os seus destinatarios ou ben porque, intentada a notificación, non se puido efectuar.
Como queira que nos escritos de interposición dos recursos non quedan suficientemente acreditadas as representacións dos recorrentes, é polo que se require, segundo o teor do disposto nos artigos 71 e 76 da Lei 30/1992, do 26 de novembro, de réxime xurídico das administracións públicas e do procedemento administrativo común, para que acrediten a persoa que represente as ditas entidades por calquera medio válido en dereito que deixe constancia fidedigna, de conformidade co artigo 32 do mesmo corpo legal.
De acordo co exposto, poderán acreditar a representación mediante documento público, documento privado con sinatura notarial lexitimada ou mediante declaración en comparecencia persoal dos interesados.
Polo que se require para que, segundo o teor do disposto nos artigos 70, 76 e 110 da Lei 30/1992, do 26 de novembro, de réxime xurídico das administracións públicas e do procedemento administrativo común, no prazo de dez días hábiles, contados desde o seguinte ao da publicación desta cédula, acrediten a representación que din posuír, con expreso apercibimento de que, de non o faceren así, se procederá ao arquivamento dos ditos escritos sen máis trámite.
E para que conste e sirva de notificación aos interesados, asino e selo esta cédula.
Santiago de Compostela, 10 de outubro de 2014
José Antonio Fernández Vázquez
Secretario xeral técnico da Consellería de Medio Ambiente, Territorio e Infraestruturas