De conformidade co establecido na disposición adicional segunda da Lei 9/2002, do 30 de decembro, de ordenación urbanística e protección do medio rural de Galicia, modificada pola Lei 2/2010, do 25 de marzo, sométese a información pública durante o prazo dun mes o núcleo rural de Pradedo de Arriba, parroquia de Vilameá, co fin de que durante este prazo, que comezará a contarse desde o día seguinte ao da inserción do presente edicto nos xornais El Progreso, La Voz de Galicia e no Diario Oficial de Galicia, poidan examinar o expediente na Secretaría deste concello as persoas que dalgún xeito se consideren afectadas e formular por escrito as alegacións ou reclamacións que estimen oportunas.

Guntín, 20 de outubro de 2014

Jesús Carreira Ferreiro
Alcalde