Para os efectos previstos na Lei 24/2013, do 26 de decembro (BOE núm. 310) do sector eléctrico, e no Real decreto 1955/2000, do 1 de decembro, sométese a información pública a petición de autorización da instalación eléctrica que se cita:
Solicitante: Retegal, S.A.
Domicilio social: avenida Fernando de Casas Novoa, nº 35 B, 3º C e D.
Denominación: instalación eléctrica para edificación destinada a servizos de telecomunicacións.
Situación: concello de Folgoso do Courel.
Características técnicas:
– LMTA a 20 kV con orixe no apoio de celosía existente correspondente á LMTA SEQ-805-Caurel 5 e final no centro de transformación de intemperie proxectado, cunha lonxitude de 40 metros en condutor tipo LA-56.
– CT intemperie sobre apoio de formigón, cunha potencia de 50 kVA e unha relación de transformación de 20.000/400-230 V.
– LBTS, con orixe no CTI, pasa pola caixa de protección e medida e remata nun paso soterrado a aéreo, cunha lonxitude de 23 metros en condutor tipo XZ1-4×95AI.
– LBTA, con orixe no paso soterrado a aéreo e final nun paso aéreo a soterrado, cunha lonxitude de 600 metros en condutor RZ-95.
– LBTS, con orixe no paso aéreo a soterrado e final na instalación de telecomunicacións para alimentar, cunha lonxitude de 1.024 metros en condutor tipo WZ1-95AI.
Todas aquelas persoas ou entidades que se consideren afectadas poderán presentar as súas alegacións nesta xefatura territorial, no prazo de vinte días.
Lugo, 8 de outubro de 2014
Pilar Fernández López
Xefa territorial de Lugo