Cumpridos os trámites previstos no artigo 85.7 do Real decreto lexislativo 2/2011, do 5 de setembro, polo que se aproba o texto refundido da Lei de portos do Estado e da mariña mercante, aplicable en defecto de lexislación autonómica propia e nas demais normas de procedente aplicación, acordouse, en virtude das atribucións delegadas pola Orde da Consellería do Medio Rural e do Mar, do 30 de marzo de 2012, outorgar por resolución que pon fin á vía administrativa as seguintes concesións en dominio público portuario, con suxeición ás condicións estipuladas nos pregos de condicións correspondentes:

Resolución: 13 de agosto de 2014.

Referencia: 13-17-13-C-1.

Obxecto: concesión de ocupación de parcela e caseta de dominio público portuario para a construción e explotación e instalacións de atracada de embarcacións deportivas.

Porto: Bueu.

Concesionario: Asociación 7ª lista Robaleira Bueu.

Prazo: 25 anos.

Taxas: 2.457 €/ano en concepto de TODP e o 1 % do volume de negocio xerado na instalación en concepto de ACIS.

Resolución: 22 de setembro de 2014.

Referencia: 13-25-14-C-1.

Obxecto: concesión para o desenvolvemento das actividades portuarias inherentes á explotación e xestión indirecta do servizo de lonxa.

Porto: cesantes.

Concesionaria: confraría de pescadores San Juan de Redondela.

Prazo: 5 anos.

Taxas: 1.959,51 €/ano en concepto de TODP e 0,0015 € por quilogramo de peixe vendido na lonxa en concepto de ACIS.

Contra os citados actos administrativos, que esgotan a vía administrativa, cabe interpor recurso contencioso-administrativo ante o Xulgado do Contencioso-Administrativo de Santiago de Compostela no prazo de dous (2) meses contados a partir do día seguinte ao da publicación da resolución que faga público o outorgamento.

Non obstante, os interesados poderán interpor contra esta resolución recurso de reposición, no prazo dun (1) mes contado a partir do día seguinte ao desta publicación ante o mesmo órgano que a ditou, de acordo co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.

Santiago de Compostela, 10 de outubro de 2014

José Juan Durán Hermida
Presidente de Portos de Galicia