A Xunta de Goberno local, en sesión extraordinaria do 18 de setembro de 2014, acordou aprobar inicialmente o expediente expropiatorio polo procedemento de taxación conxunta para os efectos da obtención de terreos afectados pola acción IS-04 (parcelas catastrais 55 e 225 do polígono 78), do Plan especial de infraestruturas de servizo do SXIS de abastecemento de auga e de saneamento de augas residuais do concello da Laracha, segundo proxecto expropiatorio redactado para o efecto.
O proxecto de expropiación sométese a información pública durante o prazo dun mes mediante a inserción de anuncios no Diario Oficial de Galicia e nun xornal dos de maior circulación da provincia, cos documentos sinalados no artigo 143 da Lei 9/2002, do 30 de decembro, de ordenación urbanística e protección do medio rural de Galicia, para que aqueles que poidan resultar interesados formulen as observacións e reclamacións que consideren convenientes, en particular no que atinxe á titularidade ou valoración dos respectivos dereitos.
A Laracha, 3 de outubro de 2014
José Manuel López Varela
Alcalde