Para os efectos de darlle cumprimento ao solicitado polo Xulgado do Contencioso-Administrativo número 3 de Pontevedra, en relación co procedemento ordinario 257/2014, interposto por Taller Eléctrico de Pontevedra Sociedad Cooperativa, contra a resolución ditada pola Axencia de Protección da Legalidade Urbanística no expediente de reposición da legalidade urbanística IU2/43/2013, pola que declara as obras executadas en solo rústico, sen autorización urbanística, consistentes na ampliación de nave industrial, no lugar do Pío (Bora), concello de Pontevedra, esta dirección resolveu ordenar a remisión do correspondente expediente ao Xulgado do Contencioso-Administrativo número 3 de Pontevedra.
Polo exposto, mediante esta resolución emprázase a Serafín Quinteiro Blanco para que poida comparecer como interesado nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 13 de outubro de 2014
María Martínez Allegue
Directora da Axencia de Protección da Legalidade Urbanística