O xerente da Xerencia de Xestión Integrada da Coruña, ao abeiro das funcións e competencias atribuídas pola letra s) do artigo 4.5 do Decreto 168/2010, do 7 de outubro (DOG nº 199, do 15 de outubro), polo que se regula a estrutura organizativa de xestión integrada do Servizo Galego de Saúde, intentou infrutuosamente a notificación a Milagrosa María Ferrera López, en representación de María Emilia Barbeito Ferreira e outras 389 persoas máis, do seu acordo do 7 de agosto de 2014, relativo á ampliación, ata o seu prazo máximo de resolución e notificación, da tramitación do expediente administrativo correspondente á reclamación interposta o 13 de maio de 2014 por María Emilia Barbeito Ferreira e outras 389 persoas máis.
Ante a imposibilidade da súa notificación persoal no lugar sinalado para os efectos de notificacións, e de conformidade co disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, por medio da presente cédula notifícaselle a Milagrosa María Ferrera López o precitado acordo da Xerencia de Xestión Integrada da Coruña do 7 de agosto de 2014.
Comunícaselle, así mesmo, que o citado acordo está á súa disposición nas dependencias da Xerencia de Xestión Integrada da Coruña (Hospital Universitario A Coruña, As Xubias de Arriba, 84, 15006 A Coruña. Hotel de Pacientes, 6ª planta. Servizo de Asesoría Xurídica) e poderá acceder a el das 8.00 ás 15.00 horas, nun prazo de 15 días a partir da publicación no DOG da presente cédula.
A presente cédula expídese para que conste e lle sirva de notificación ao interesado, en cumprimento do disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común. Advírtese que, no caso de non comparecencia no prazo sinalado, o acordo se considerará notificado.
A Coruña, 20 de agosto de 2014
Francisco José Vilanova Fraga
Xerente de Xestión Integrada da Coruña