No Boletín Oficial da provincia nº 181, do 19 de setembro de 2014, publicáronse as bases xerais e específicas de varios procesos selectivos convocados para cubrir as seguintes prazas vacantes no cadro de persoal funcionario da Deputación Provincial de Pontevedra, incluídas na oferta de emprego público 2014:

– Unha praza de informático técnico de sistemas, encadrada na escala de Administración especial, subescala técnica, clase técnico superior, e integrada no grupo A1, por quenda de promoción interna.

– Unha praza de técnico de xestión de persoal, encadrada na escala de Administración especial, subescala técnica, clase técnico superior, e integrada no grupo A1, por quenda de promoción interna.

– Tres prazas de técnico de xestión, encadradas na escala de Administración xeral, subescala técnica, e integradas no grupo A2, por quenda de promoción interna.

– Unha praza de arquitecto técnico, encadrada na escala de Administración especial, subescala técnica, clase técnico medio, e integrada no grupo A2, por quenda de promoción interna.

– Sete prazas de administrativo, encadradas na escala de Administración xeral, subescala administrativa, e integradas no grupo C1, por quenda de promoción interna.

A presentación de solicitudes poderá efectuarse, ben no Rexistro Xeral da Deputación Provincial de Pontevedra ben en calquera das formas establecidas no artigo 38.4 da Lei 30/1992, do 26 de novembro, no prazo de vinte (20) días naturais contados a partir do seguinte ao da publicación no Boletín Oficial del Estado (BOE).

Pontevedra, 22 de setembro de 2014

Begoña Estévez Bernárdez
Deputada delegada