O Pleno da Corporación, en sesión do 11.9.2014 adoptou, por maioría absoluta do número legal de membros da Corporación, o acordo cuxo teor literal é o seguinte:

«Primeiro. Atender o requirimento previo de anulación formulado pola Consellería de Medio Ambiente, Territorio e Infraestruturas contra o acordo do Pleno desta Corporación do 29 de maio de 2014, onde se aprobaba definitivamente a modificación puntual do Plan parcial do sector SUR-R18, anulando o dito acordo por falla de obtención de informe previo favorable da Comisión Superior de Urbanismo e Galicia.

Segundo. Acordar a conservación de todos os actos e trámites anteriores á fase de remisión do proxecto de modificación puntual do planeamento a Comisión Superior de Urbanismo de Galicia para informe previo.

Terceiro. Efectuar as correccións procedentes postas de manifesto no requirimento precitado e remitir o expediente administrativo de modificación puntual do Plan parcial do SUR-R18, incluíndo o informe técnico do arquitecto municipal do 1 de agosto de 2014, á Comisión Superior de Urbanismo de Galicia para a emisión do informe previo do artigo 94.4 LOUGA».

O que se publica para os efectos oportunos, quedando sen vixencia os anuncios publicados no BOP núm. 140, do 20 de xuño de 2014 e DOG núm. 121, do 27 de xuño de 2014.

San Cibrao das Viñas, 7 de outubro de 2014

Manuel Pedro Fernández Moreiras
Alcalde