A Xunta de Goberno Local, en sesión ordinaria que tivo lugar o 8 de setembro de 2014, acordou aprobar inicialmente o estudo de detalle para ordenar os volumes, completar ou reaxustar as rasantes e concretar as condicións da composición da edificación na parcela E4-1 da rúa Madeira do Parque Empresarial de Bértoa, de Carballo, promovido pola entidade Casas Cube, S.L., segundo a documentación técnica presentada o 3 de setembro de 2014, número de rexistro de entrada 2014010610, asinada pola arquitecta Marta Maneiro González (col. 4517 COAG).
O que se somete a información pública por un prazo de vinte (20) días en cumprimento do artigo 86.2 da Lei 9/2002, de ordenación urbanística e protección do medio rural de Galicia, coas modificacións seguintes, co fin de que as persoas que se consideren afectadas por el poidan examinar o expediente e deducir, de ser o caso, as alegacións ou observacións que xulguen oportunas.
Carballo, 19 de setembro de 2014
Evencio Ferrero Rodríguez
Alcalde