De conformidade co disposto nos artigos 59.5º e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, logo de ser intentada sen éxito a notificación persoal a través do servizo de Correos, notifícaselles aos interesados que se sinalan no anexo deste anuncio, o requirimento da documentación para o recoñecemento e rexistro como entidade con servizos de asesoramento e/ou xestión de Galicia (Resaxega).
Os interesados poderán comparecer no prazo de dez días hábiles, contados desde o seguinte ao da publicación deste anuncio, nas oficinas do Servizo de Explotacións Agrarias, da Dirección Xeral de Produción Agropecuaria, Consellería do Medio Rural e do Mar, situadas no Edificio Administrativo San Caetano, s/n, Santiago de Compostela, das 9.00 ás 14.00 horas, de luns a venres, para o coñecemento íntegro do mencionado requirimento e constancia deste.
En caso de non emendar as carencias detectadas procederase á suspensión da inscrición polo prazo máximo dun mes. Transcorrido este prazo sen que se emendasen as deficiencias, procederase á revogación da inscrición no Resaxega.
Santiago de Compostela, 23 de setembro de 2014
Patricia Ulloa Alonso
Directora xeral de Produción Agropecuaria
ANEXO
Procedemento: recoñecemento da inscrición no Resaxega.
Interesado: Dinamización do Medio Rural.
Acto de notificación: requirimento.
Último enderezo coñecido: rúa Pintor Laxeiro, 17-1º C, 36500 Lalín (Pontevedra).
Procedemento: recoñecemento da inscrición no Resaxega.
Interesado: Asaja Galicia.
Acto de notificación: requirimento.
Último enderezo coñecido: rúa Fiunchos, 2-baixo, 15100 Carballo (A Coruña).
Procedemento: recoñecemento da inscrición no Resaxega.
Interesado: Xestión e Aconsellamento.
Acto de notificación: requirimento.
Último enderezo coñecido: rúa Antonio Lourenzana, 1-1º, 27500 Chantada (Lugo).