O artigo 11 da Lei 4/2006, do 30 de xuño, de transparencia e boas prácticas na Administración pública galega (DOG nº 136, do 14 de xuño), impón ás entidades de dereito público vinculadas ou dependentes da Comunidade Autónoma de Galicia a obriga de publicar no Diario Oficial de Galicia unha relación dos convenios de colaboración asinados no cuadrimestre anterior.
Para dar cumprimento ao exposto anteriormente e, en virtude das facultades que teño concedidas,
RESOLVO:
Artigo único
Facer pública a relación dos convenios subscritos pola Fundación Centro Tecnolóxico da Carne no segundo cuadrimestre do ano 2014, que se incorporan como anexo a esta resolución.
San Cibrao das Viñas, 20 de setembro de 2014
Miguel Fernández Rodríguez
Director xerente da Fundación Centro Tecnolóxico da Carne
ANEXO
Convenios de colaboración subscritos pola Fundación Centro Tecnolóxico
da Carne no segundo cuadrimestre do ano 2014
Convenio |
Data |
Achega económica |
Convenio de colaboración nas áreas de Zootecnia, Enxeñaría de Alimentos, Medicina Veterinaria e Enxeñaría de Biosistemas, co fin de promover o intercambio de docentes e estudantes de grao e posgrao. |
23.5.2014 |
Sen achega económica |
Convenio de colaboración entre a Universidade de Santiago de Compostela e a Fundación Centro Tecnolóxico da Carne, para a realización de prácticas de alumnos/as da titulación do grao en Química. |
22.5.2014 |
Sen achega económica |