A Academia Galega de Seguridade Pública remitiu escritos de requirimento de documentación relativos aos expedientes de inscrición no Rexistro Profesional de Socorristas Acuáticos de Galicia dos/das interesados/as que se indican no anexo.
Unha vez tentada por dúas veces a notificación do citado requirimento a través do servizo de Correos no domicilio indicado polos/as interesados/as para os efectos de notificación, esta non se puido efectuar e foron devoltas polo dito servizo coa indicación de «ausente na repartición».
Polo exposto, esta dirección xeral, en cumprimento do disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, en virtude do presente anuncio, notifícaselle aos/ás interesados/as que se indican no anexo o requirimento antes citado.
Os/as interesados/as poden recoller o requirimento mediante comparecencia nas dependencias da Academia Galega de Seguridade Pública (rúa da Cultura, s/n, A Estrada, Pontevedra), das 9.00 ás 14.00 horas, no prazo de dez días contados a partir do seguinte ao da publicación deste anuncio no Diario Oficial de Galicia.
Así mesmo, infórmaselles aos/ás interesados/as que, de conformidade co artigo 71.1 da citada lei, transcorrido o dito prazo sen que comparezan, teranse por desistidos da súa petición, logo de resolución ditada nos termos previstos no artigo 42.
A Estrada, 24 de setembro de 2014
Santiago Villanueva Álvarez
Director xeral da Academia Galega de Seguridade Pública
ANEXO
Solicitante: Fátima Cruz Fariñas.
Acto notificado: requirimento de documentación relativo á súa solicitude de inscrición no Rexistro Profesional de Socorristas Acuáticos de Galicia.
Solicitante: Marta López Oviedo.
Acto notificado: requirimento de documentación relativo á súa solicitude de inscrición no Rexistro Profesional de Socorristas Acuáticos de Galicia.
Solicitante: Noé Martínez Iglesias.
Acto notificado: requirimento de documentación relativo á súa solicitude de inscrición no Rexistro Profesional de Socorristas Acuáticos de Galicia.
Solicitante: Daniel Taboada Vila.
Acto notificado: requirimento de documentación relativo á súa solicitude de inscrición no Rexistro Profesional de Socorristas Acuáticos de Galicia.