Para os efectos previstos na Lei 24/2013, do 26 de decembro, do sector eléctrico, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:
Solicitante: Sociedad Electricista de Tui, S.A.
Domicilio social: rúa A Coruña, 20, baixo, 36700 Tui.
Denominación: reforma CT Escaleras.
Situación: Tui.
Características técnicas: reforma do centro de transformación Escaleras, situado na rúa Martínez Padín, Tui, consistente na substitución das celas de obra civil por outras prefabricadas e na substitución do transformador de 500 kVA por un de 1.000 kVA con RT 20 kV/400-230 V.
Todas aquelas persoas ou entidades que se consideren afectadas poderán presentar as súas alegacións nesta xefatura territorial; Edificio Administrativo na avenida Fernández Ladreda, 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.
Pontevedra, 14 de agosto de 2014
P.A. (Decreto 110/2013, do 4 de xullo)
Eugenio Fernández Piñeiro
Xefe do Servizo de Administración Industrial