Congelados Pais, S.L., entidade representada por Juan Antonio Pais García, solicitou licenza municipal de actividade para venda de vexetais, produtos cárnicos e alimentos conxelados (epígrafe 647.1), que se instalará na avenida de Pontevedra, 57. En cumprimento do disposto no artigo 8.3 do Decreto 133/2008, do 12 de xuño, de avaliación de incidencia ambiental, sométese a información pública, por un prazo de vinte días, para que todas as persoas que se encontren afectadas poidan examinar o expediente, no Departamento de Actividades Clasificadas do concello, e formular por escrito as alegacións que consideren pertinentes.
Vilagarcía de Arousa, 18 de setembro de 2014
Tomás Javier Fole Díaz
Alcalde presidente